談戀愛最忌無安全感,但總係有啲一種戀人天性愛自由,受到拘束絕對係佢地最唔希望發生嘅事情。愛好自由除咗係性格使然,星座都可以係其中一個因素。一齊嚟睇下邊三個星座會令戀人成日都覺得好不安啦。
NO.1 雙子座
雙子座無論係同咩人都可以傾計,幽默再加上伶俐口才令佢地經常成為焦點!而且雙子唔會避嫌,唔理對方係邊個都可以傾一大餐。身為雙子嘅戀人,除咗要時時提醒佢地之外,有時都要有一顆包容嘅心,因為愛傾計係佢地嘅天性呀!
NO.2 射手座
愛自由又點會少得射手座?佢地係天生好奇,熱愛結交新朋友,喜歡新鮮事,亦對新話題好有興趣。射手座嘅生活豐富得令戀人認為難以掌握,成日都會聽到佢地講又識到新朋友,好容易就會引起戀人嘅不安感。
NO.3 巨蟹座
巨蟹座可以話係一個矛盾嘅存在,因為佢地係會忽冷忽熱咖!當工作忙碌嘅時候就對你非常冷淡,而平日好得閒嘅時候又會變得好黏人,好似無咗你就唔得咁。百變嘅態度真係令人好難捉摸,亦令戀人無所適從,無哂安全感。
Tags: Homita占卜師
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like