意大利著名內衣品牌 Intimissimi 於昨晚（2018 年 9 月 5 日） 舉辦咗第五屆「Intimissimi 魔幻森林」年度時尚表演，喺品牌發源地維羅納發布全新嘅秋冬內衣系列。全新系列喺活力四射嘅時尚表演中首次亮相，充滿女性魅力及優雅細緻嘅設計，成為今個秋冬季嘅睡衣時尚指標。

一眾香港知名藝人及時尚達人並列於表演前排，現身支持品牌全新系列嘅發布表演，場面星光熠熠。 今次表演喺一片秋冬色調下進行，一眾國際知名模特兒親身展示系列嘅魅力設計，包括無鋼圈內衣 (bralette)、連身內衣 (bodysuit)、經典嘅黑白配色，以及洋溢異國風情嘅花卉圖案及動物印花，為嫵媚女性系列增添熱情活力。

內衣走秀結合舞蹈及唔同嘅視覺效果，營造優雅而動感嘅氛圍，展現品牌浪漫，體驗時尚都會精神。 國際著名藝人及時尚達人聚首一堂支持 Intimissimi 嘅年度盛事，深受觀眾愛戴嘅標誌性美國女演員、潮流指標及 Intimissimi 品牌大使莎拉·潔西卡·帕克 (Sarah Jessica Parker)、成功企業家兼 Instagram 女王，琪亞拉·法拉格尼 (Chiara Ferragni) 出席咗今次如夢幻森林般嘅時尚表演。

一眾香港名人、名媛及時尚達人亦加入此國際盛事，包括 2013 年香港小姐冠軍及人氣女演員陳凱琳 (Grace Chan)、香港頂級明星模特兒馬詩慧 (Janet Ma) 及其備受觸目嘅模特兒次女王麗嘉 (Irisa Shannon Wong)、香港名媛雷怡輝 (Amanda Lui)，當晚一同列席前排觀賞精彩表演。

另外，充滿影響力嘅香港時尚達人及潮流博客，包括 Jenn Lam、Ding Ding、 Jessie Li 及 Zoe Chan，均穿上 Intimissimi 嘅最新系列參與盛事，同時喺個人社交平台上不斷分享今個旅程及時尚表演上嘅精彩片段。