源自倫敦和新加坡嘅國際皮革品牌Ethan K於夏季呈獻The Origami Safari 2018 Collection，為香港高端奢華皮具市場注入閃耀氣質。十三款特訂皮革作品首度於香港金鐘Upper House嶄露鋒芒。
當中品牌主打推出單肩袋、斜背袋、手袋及動物造型飾物都採用稀有皮革、白紋石、晶簇石及紫藍寶嘅用料，而每件皮革作品都用上四至六個月人手細心打造而成。Ethan K匠心獨運嘅設計及精湛工藝，成為各路名流明星如劉嘉玲，Jennifer Lopez，Dita Von Teese及英國皇室成員Princess Eugenie追捧的嘅寵兒。
為配合The Origami Safari主題，活動場地以多色彩色為佈置主調，並擺放著用彩紙摺成的嘅紙動物。除咗十三款皮包外，場內亦展出採用不同顏色鱷魚皮製成嘅刺蝟造型手袋，設計可謂非常亮眼。
品牌創辦人及創意總監Ethan Koh多以孩童時期的記憶作創作靈感。而這次推出以摺紙動物為主題嘅皮革系列，設計靈感源自Ethan Koh小時候與其外婆一齊生活嘅回憶。
由於佢嘅父母喺佢小時候經常外出公幹，照顧佢嘅重任就落喺外婆身上。當時年紀輕輕、精靈好動嘅Ethan Koh總會趁著深夜將絲帶摺成花朵送給外婆，所以誘發今次系列設計靈感，代表著他對往事嘅懷緬及向外婆致敬。
The Origami Safari 2018 Collection寓意著Ethan K品牌將會進入全新嘅冒險旅程。今次系列以Ethan嘅珍貴回憶編織而成，設計採用簡約嘅摺紙動物，以簡單嘅線條及富時尚感嘅剪影，呈現出品牌獨特嘅時尚風格及全新嘅設計理念，從而吸納新世代追隨者。Ethan K嘅作品不但用料上乘，設計更別具深層意義，充分呈現亞洲嘅獨有文化。
此外，Ethan K還特意與本地珠寶設計師蔡欣熹（Florence Tsai）聯手推出系列嘅延伸產品。喺今次合作中，Florence為其中三款Origami Safari Collection手袋設計出可拆換嘅別致拉鍊吊飾，其特別之處在於拉鍊可被拆下當成項鍊吊墜。
獨特嘅設計靈感來自精緻嘅摺紙藝術，Florence將拉鍊吊飾嘅設計打造成風車形狀，而每款均採用18K白金配上不同寶石，如瑪瑙、青金石、紅寶石及藍寶石製成，期望為佩戴者帶嚟幸福及運氣。
Ethan k分享時指儼如繁體中文簡化成簡體中文，全新產品系列祟尚簡約摺紙路線，期望以簡單線條呈現出動物嘅形態。佢非常重視每件作品，因每一件映入眼簾嘅物件都能撼動心靈。
全新系列現已進駐世界各地的百貨公司，如位於英國倫敦Harrods、美國紐約Saks Fifth Avenue以及莫斯科TSUM等等，期望可以喺世界每個角落延續憾動心靈嘅精神。
