瘦身係女士們嘅終身事業，平日大家嘅瘦身方法不外乎都係不斷做運動，同埋係咁節食。但其實想要瘦身的話，第一件要做嘅事就係檢視自己嘅睡眠方式。

點解減肥要由睡眠入手？因為你喺瞓覺嘅時候，身體會分泌生長激素嘅荷爾蒙，而呢種荷爾蒙就喺你嘅瘦身過程中扮演重要嘅角色啦！佢不但可以幫你喺睡眠當中排除身體中嘅老廢角質，令你第二日可以精神爽利咁起身，更重要嘅係，佢可以幫你分解脂肪！！

唔好睇少佢嘅作用呀，只要你喺晚上可以進入熟睡狀態，咁就可以消耗300kcal咖啦，相等於一碗半白飯嘅熱量。所以要成就瘦身大業的話，有一個正確嘅睡眠方式就相當重要啦！咁點先為之正確呢？

1.瞓着嘅頭3個鐘唔可以中途醒。

呢三個小時係屬於最深層嘅睡眠，有助瘦身嘅生長激素就只會喺深層睡眠嘅時候先會大量分泌，所以呢個過程不被打斷，先至會對減肥有最好嘅效果。

2.半夜3點一定要處於睡眠狀態。

生長激素喺集中喺晚上10點至凌晨2點之間分泌，所以大家就一定要注意時間，把握機會去俾身體分泌呢啲對瘦身相當有用嘅生長激素啦！記住唔係到3點先上床瞓覺，而係要提早入睡呀！

3.一日瞓七個鐘

想瘦身成功就當要有足夠嘅睡眠啦，七個鐘可以話係一個基準。當然啦，你都係要視乎自己嘅睡眠需要，因為有啲人要瞓夠八個鐘先會有精神，但有啲人只係需要六個鐘就夠咖啦。但要注意一點，瞓得多並唔代表你可以瘦得多咖！