每個人都總有幾個識於微時嘅朋友,佢地中小學時代與你形影不離,令你早就認定你地會係一世好友。但隨住人日漸長大,你發現同朋友之間嘅距離大咗,似乎再無知己。人生路不同,自然就不再合拍看似好合理。但你有無諗過,有可能係你無意中犯下嘅毛病令你同朋友變得疏遠呢?
#最後一刻放飛機
每一次嘅聚會前夕,你似乎都有無數個藉口俾自己唔去呢個聚會。一次又一次嘅臨時取消完全係消耗緊你朋友對你嘅感情,佢地會覺得自己只係俾人用嚟打發時間。次數多咗,就自然唔會再主動揾你去聚會咖啦。
#無法為關係作取捨
世上有百萬個人,就有百萬種想法。結交朋友就當然係會揾返啲同自己擁有相近諗法嘅人啦,所以揀選朋友就係一個相當重要嘅課題。唔係嘅話,你只會識到一堆無法深交嘅朋友,學會取捨先可以將時間放返喺有意義嘅關係當中。
#重要時刻潛水
朋友就係為咗支持對方,分享大家嘅喜與愁而存在。喺每一個人生嘅重要時刻,你都會下意識去揾朋友,同佢分享你嘅感受。正如你需要朋友,你嘅朋友亦需要你陪伴佢地走人生路。每到關鍵嘅時候就唔見人只會令朋友覺得你唔在乎佢地。
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like