就到萬聖節啦，你同朋友又諗好咗要去邊大玩一番未呢？人氣爆燈嘅Sanrio家族今年首次喺海洋公園哈囉喂全日祭中萌爆現身，同大家舉行「Hello-ween」派對！佢地仲佔領埋向來都係潮流型人集中地嘅The ONE，將其變為魔幻神秘森林！

由9 月23日至10月31日， Sanrio家族成員Hello Kitty, Huromi, Little Twin Stars, gudetama(梳乎蛋), Pompompurin(布甸狗), Cinnamoroll(玉桂狗), 同埋Bad Badtz-Maru(XO)都換上咗萬聖節造型鬼馬登場，潛藏喺The ONE秘境當中令你又驚又喜！

今次【The ONE・Ocean Park・Sanrio characters魔幻神秘森林】中共有六大秘境，包括嘩鬼森林城堡，魔法南瓜車，搗蛋南瓜田，黑幻墓地，勇闖魔法蝙蝠籠及魔法巫師肉桂湯，每一個秘境都有唔同嘅Sanior家族成員等緊你咖！

打卡就當然唔少得要帶走紀念品啦~ 只要參加魔幻神秘森林中嘅三大遊戲，就可以帶走三大至萌法器返屋企！只要去到勇闖魔法蝙蝠籠挑戰捕捉蝙蝠，可以喺限時內捉夠指定分數的話，就可以獲得Sanrio characters限定版杯墊！

而喺魔法巫師肉桂湯就可以合力轉動魔法珠，只要喺限時內可以將魔法珠轉到洞中精製嘅神奇魔法藥水，咁就會獲得Sanrio characters 限定版卡套啦！最後嘅尋尋覓覓魔法陣，就係要大家喺商場內以The ONE手機APP開啟藍芽功能，只要集齊5位Sanrio characters印花，就可以換領Sanrio characters限定便利貼啦！

除咗有各種魔幻大型裝飾之外，Little Twin Stars仲會換上獨家萬聖節造型，着上應節斗篷登場，佢地會喺9月30日及10月7 日嘅下午2點及3點現身The ONE UG2中庭。The ONE Club會員憑800積分，就可以免費換領見面會入場證乙張，名額有限，換完即止。