香港最盛大的音樂及藝術節 Clockenflap 2018 向來驚喜不斷，今年音樂陣容出現震撼更新！台灣文青界旗艦級樂團蘇打綠靈魂人物吳青峰強勢加盟，並將聯同更多分量十足嘅音樂單位，多元而星光熠熠嘅陣容將於 2018 年 11 月 9 日（星期五）至11 日（星期日）喺中環海濱傾力演出，為廣大樂迷帶嚟精彩嘅周末，樂迷引頸以待嘅完整陣容快將揭曉，大家請熱烈期待。
吳青峰今年以 2018「最強新人」嘅姿態重新出發，憑其「唱入人心」嘅治癒聲線再戰樂壇。話過「今年開始，要做一些自己以前做不到的事。」嘅吳青峰，帶住同樣嘅出世歌聲、優異嘅創作才華、以及一股新嘅創作能量，與樂迷一同踏上耳目一新嘅音樂旅程。
決意打破過往框架嘅吳青峰，一「出道」已急不及待展現無窮創作力，幾首新作全部風格各異，各有亮點。熱切期待全新嘅吳青峰在 Clockenflap 展現其浪漫感性嘅獨特魅力！完整 Clockenflap 2018 音樂陣容及其他精彩節目將於不日公佈，敬請密切留意！
Tags: Homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
