全新天台餐廳酒吧PIQNIQ而家已經開幕,為客人帶嚟全新户外餐廳酒吧體驗。PIQNIQ 座落喺城中藝術文化熱點H Queen’s頂層,客人可以喺呢個愜意嘅露台餐廳酒吧一邊用餐,一邊把酒言歡,同時將維多利亞港到山頂嘅景致收入眼簾。
PIQNIQ 搜羅多國美食,精心構思出一系列反樸歸真又令人一試難忘嘅菜式,其招牌PIQNIQ 籃子薈萃各國美饌精髓;當中包括和牛三文治、點心、凍肉拼盤、香蔥蛋批、法式手工芝士拼盤等。PIQNIQ嘅酒吧團隊更精心預備咗多款特色飲品,包括Matcha Harmony 及Aperol Spritz on Tap,以及多款葡萄佳釀及香檳,為賓客提供更多選擇。
PIQNIQ 嘅白色帆布帳篷内到處都係藝術嘅痕跡,當眼處放置咗草間彌生具代表性嘅紅白色南瓜藝術品,酒吧則飾以 Lala Curio 嘅復古瓷磚,配上五彩繽紛嘅室具及豆袋座椅,舒適休閒嘅設計令客人尤如置身一片綠洲之中。 PIQNIQ日間為一個輕鬆愜意嘅午聚用餐好去處,晚上喺繁星點綴下,就化身為熱情洋溢嘅酒吧餐廳,令賓客可以一洗工作疲累,暢飲達旦。
地址: 香港中環皇后大道中 80 號 H Queen's R 樓 (天台)
聯絡
Phone: 5200 1683
Website: piqniq.hk
Facebook: piqniqhk
Instagram: piqniqhk
營業時間
週一: 休息
週二至週四: 11am – 午夜
週五至週六: 11 am – 4am
週日: 11am – 午夜
Tags: Homita為食家
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like