唔知大家屋企嘅煮飯習慣係點嘅呢?唔少家庭會習慣將餸菜嘅份量煮得多啲,方便嚟緊幾日都可以無限loop同一碟餸,又或者由長輩主廚,佢地為咗表逹對你地嘅愛意,總係會煮到成枱都係餸。無論係邊種,你總係可以體驗到食唔哂啲餸嘅幸褔。
但將餸菜放隔夜再食都係有一定嘅安全風險,小編就特意整合咗點樣儲存呢啲餸菜嘅要點出嚟!
#注意儲存温度
記住啲餸菜應該冷藏喺7℃以下,又或者係保溫到60℃以上,避免喺37~42℃嘅環境下暴露超過4小時,因為呢個温度非常適合病菌繁殖。但亦要注意,要等餸菜變涼先可以放入雪櫃,因為温差大會令導致冷凝水形成,一但落入餸菜中就會令食物變壞。
#食之前要徹底翻熱
到咗第二日決定咗要食果道餸嘅話,就要為餸菜完全加熱。因為直到食物嘅中心温度逹到75℃以上,先至可以將病菌殺死咖。
#食幾多先加熱幾多
有好多家庭都習慣一次過煮大份量嘅滷水食品、咖哩,又或者係湯等,喺冷藏嘅時候就可以分做一小份咁樣冷凍,要食幾多先拎幾多嚟加熱,咁就唔洗因為反覆加熱而令營養流失甚至係腐敗啦。
#相信自己嘅味覺同嗅覺
食隔夜餸嘅時候一定要留意食物嘅味道,如果你發現餸菜出現咗怪味嘅話,你就應該立即停止食用呢道餸啦!
Tags: Homita愛健康
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like