彩虹可以話係萬人迷,幾乎係無人會唔鐘意佢。就好似小編咁,每次見到彩虹都會覺得心情愉快,恨不得日日都可以見到佢嘅踨影。為咗滿足呢個願望,小編決定將彩虹搬上餐枱!唔好懷疑住,咁樣做其實係有根據咖。
將彩虹變為桌上物指嘅係採用「彩虹飲食法」。呢種飲食法嘅特色就係在於以各種顏色嘅食材去對應身體所需嘅營養素,等你嘅身體可以變得更加強壯,慢性病亦唔會輕易揾到上門。
#紅色食物:番茄、枸杞、紅棗、紅蘿蔔、紅甜椒、紅肉
呢啲食物當中擁有茄紅素、鐵質、維生素A等,可以話係令你氣色紅潤嘅關鍵。佢地可以幫忙抗氧化,並保護身體免受自由基嘅破壞。呢啲食物對血管亦好有益處,可以幫忙維持血管彈性,以及促進血液循環。
#橙黃色食物:檸檬、柑橘類水果
呢啲食物中含有大量嘅維生素C,對眼睛同皮膚嘅健康具有莫大嘅幫助。平日我地想維持身體機能嘅正常運作亦都係要靠維生素C嘅幫忙。
#綠色食物:綠色蔬菜,茶葉
原來綠色食物亦包括茶葉!綠色蔬菜中擁有豐富嘅維生素K,可以促進骨膠原上嘅鈣元素沉積,所以對於預防骨質疏鬆好有幫助。而飲茶就可以為人體補充兒茶素,從而幫手清除自由基!
#藍紫色食物:藍莓、紫米、紫地瓜、茄子
藍、紫色食物當中擁有花青素,佢喺抗氧化、抗發炎、提升免疫力呢三個方面都扮演住重要嘅角色,想要青春不老,擁有靚嘅皮膚都係靠佢咖啦。
#白色食物:白米、奶、蛋、魚類及豆類製品
白色食物嘅照顧對像就係骨骼啦!呢啲食品當中豐含蛋白質及鈣質,佢地對於骨骼及身體組織細胞修補,同埋發育都起咗重要嘅作用。
Tags: Homita愛健康
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like