「自己花錢當然爽,睇人地洗錢,仲爽!」 到底呢句真唔真呀???瘋狂喜劇《西虹市首富》成功將狂想意念化為現實,大收 25 億票房,成為本年度全國暑期檔最賣座笑片。
故事嘅主角王多魚 (沈騰 飾) 係名一事無成嘅西虹市丙級足球隊守門員,為人正直,即使面對神秘人金錢誘惑,依然堅拒打假波。其後,喺佢人生走投無路之際,神秘人再次出現,告知王多魚身喺台灣與他素未謀面嘅富商親人遺留咗300 億遺產俾佢呢個唯一繼承人,原來之前打假波係一場考驗。
王多魚而家要接受一個月內使哂十億元嘅挑戰,先至可以繼承 300 億財產!當中嘅花費不得贈予、不能賭博、不能違法,不得有意損壞物品使其貶值,更加唔可以喺一個月後留低任何屬於自己嘅資產,期間亦唔可以向任何人透露以上協定內容。
金先生委派女財務夏竹 (宋芸樺 飾) 負責記錄所有開銷。王多魚於是就展開咗為期一個月肆無忌憚揮金如土嘅土豪生活。到底是咪真係「有錢大 L 晒」?仲係發現原來「洗錢更煩惱」呢?電影會令觀眾笑到發達。
《西虹市首富》故事宗旨係「一個月要花光十億元!」,咁失實橋段就同最現實嘅主題「金錢」掛勾。戲內情節浮誇得驚人,但愈浮誇愈惹笑。講到邏輯方面,其實又隨時比一般商業片嚟得更合理。前設大膽,但往後所發生嘅一切都係有根有據嘅,亦睇得出電影製作人喺雕琢故事情理方面嘅用心。
而果啲看似失實嘅情節,例如王多魚嘅一眾隊友前一秒仲對他百般奚落,下一秒已經成為佢嘅跟班;女主角嘅男朋友前一日仲喺度振振有詞咁宣揚「不能做金錢的奴隸」,隔天已經成為了王多魚的門口狗。
呢啲情節乍看似失實,細想其實非常現實亦很貼地。社會上見錢開眼又肯遺背良心嘅大有人在,片中呢啲都係社會下嘅縮影,情節再浮誇一啲,諷刺意味再濃厚一啲,令觀眾得到更深切嘅體會。