「蘭桂坊日本嘉年華」將會喺 10 月至 11 月正式開始！一連兩天嘅蘭桂坊街頭秋祭市集將展示日本文化最華麗嘅一面，包括日式美餚、飲品以及多姿多彩的娛樂表演。

為咗提升日本嘉年華嘅熾熱氣氛，LKF Cool Japan 秋の限定店將於加州大廈首度舉行，伴隨嘅仲有秋の人気甜點，等所有人全程投入充滿趣味嘅日本文化展覽及活動之中，盡興而歸！

蘭桂坊加州大廈 首個秋の限定店
「蘭桂坊日本嘉年華」嘅頭炮活動為「蘭桂坊加州大廈 秋の限定店」，活動會喺 11 月 5 日至 11 月 11 日喺加州大廈 LOFT22 舉辦。限定店分別以「Art Toy Japan」及「Discover Japan」兩大主題，為大家帶嚟一系列嘅日本元素、文化藝術以及獨特娛樂表演。

Art Toy Japan：限定藝術展覽 體驗日本藝術氣息
由 11 月 5 日至 11 月 7 日期間，加州大廈將搖身一變以「Art Toy Japan」為題嘅 Pop-up 藝術展覽，與策展單位 APPortfolio 攜手展出多件獨家藝術玩具及雕塑。參觀者喺蘭桂坊濃厚日本氛圍之下，一定可以體會著名藝術家空山基、山本源以及 Gary Baseman 以日本為靈感嘅雕塑新作中所洋溢嘅才華。

此外，展覽仲會獨家展出及發售空山基與 X-Large 合作嘅限量藝術雕塑，呢款作品亦係首次喺亞洲地區發售，到時所有藝術品都可供即場購買。展覽亦設有夾公仔機，等參觀者有機會贏得精美玩具及雕塑。

Discover Japan：帶來多個精彩活動 感受日本文化獨特魅力
由 11 月 8 日至 11 月 11 日期間，蘭桂坊將聯同山下菓子，星星兔，星晨旅遊，Monchhichi 以及 Teriaura 齊手打造蘭桂坊加州大廈秋の限定店。

蘭桂坊與日本水果批發商兼官方授權甜品生產商山下菓子，精心呈獻首個位於港島區嘅 Monchhichi 期間限定攤位，Monchhichi 亦將現身與大家見面。活動期間將會供應印有 Monchhichi 圖案嘅日本著名美食如布丁、卷蛋糕及果汁，定必俘虜一眾 Monchhichi 粉絲的歡心。兩款山下菓子 x Monchhichi 限定版毛公仔匙扣將於限定店獨家發售。

此外，山下菓子將提供不同種類嘅日本水果，等顧客可以享受日本長野縣香印提子及和歌山柿嘅特別優惠。

同樣萬眾期待嘅係顧客可以喺場內購買香港原創，並於日本歌唱出道嘅卡通人物歌手 — 星星兔 （Sing Sing Rabbit）嘅精品系列，包括暖手 Cushion 及毛毯套裝、陶瓷杯、藍牙播放器、真皮錶及布袋等。

熱衷到日本旅遊嘅你，絕對唔可以錯過星晨旅遊嘅攤位！一連串嘅聖誕及滑雪旅行團優惠，包括北海道滑雪及溫泉體驗五天團、東京滑雪及觀光五天團同埋大阪滑雪及導賞五天團將會喺期間限定店發售。星晨旅遊亦會喺店內提供限定優惠︰日本全線旅行團即減港幣 300 元、以及其他團隊、自遊行、郵輪及小包團嘅折扣優惠及報名禮品。

期間限定店內還會有 Teriaura 的攤位，顧客可以在店內欣賞及購買他們著名的 Akoya珍珠首飾系列。Akoya 珍珠首飾喺日本三重縣伊勢志摩附近海域一帶養殖，首飾如頸鏈、耳環、介指及手鏈嘅價錢由港幣 580 元至港幣 20,000 元不等。

LKF Cool Japan 獨家呈獻：秋の人気甜點

蘭桂坊與山下菓子攜手合作，為大家帶嚟北海道嘅氣球牛乳布甸、千層忌廉蛋糕以及來自青森縣嘅蘋果批，務求令顧客品嚐正宗日本甜品，甜品會喺 10 月 8 日至 11 月 16 日期間，在喺蘭桂坊嘅六間餐廳，包括CALIMEX、FUMI、KYOTO JOE、LOS SOTANO、TOKIO JOE 及 PORTERHOUSE 獨家發售，為顧客帶嚟日式味蕾享受。

為期兩天的蘭桂坊日本秋祭市集再度回歸
除咗精彩嘅頭炮活動外，由蘭桂坊協會主辦，萬眾期待嘅蘭桂坊日本嘉年華街頭秋祭市集將於 11 月 10 日至 11 日舉行，由下午 1 時玩至深夜，共度狂歡周末！

蘭桂坊到時將會化身成龐大華麗嘅日本秋祭市集，逾 40 個攤位除咗刺激嘅互動遊戲外，更有嚟自日本各地嘅日式清酒和佳餚美饌，包括 A5 和牛、日式烤扇貝及餃子等等。同時亦可以一嘗和風浴衣試穿嘅體驗，漫步於祭典街道，欣賞日本傳統舞蹈舞台表演以及樂隊現場傾力獻唱。此外，一連兩天晚上五時及八時半將會有精彩街頭巡遊，蘭桂坊日本嘉年華秋祭市集絕對係週末嘅最佳好去處！