YO 協青社第三屆「YO! Let’s Walk the Road協青慈善行2018」於今日 (10 月 27 日) 喺烏溪沙青年新村舉行。為YO籌得超過港幣220萬元善款,參與嘅人數超過1,000人,同時有超過200名義工在場協助。
YO非常榮幸邀得律政司司長 鄭若驊為活動嘅主禮嘉賓,聯同其他嘉賓勞工及福利局常任秘書長 張琼瑤、社會福利署助理署長 (青年及感化服務) 郭李夢儀及社會福利署東區及灣仔區署理助理福利專員 邵家鳳擔任嘉賓,一齊主持起步典禮。
同時,YO衷心感謝特别嘉賓香港拳擊運動員曹星如,到場支持協青慈善行2018,更在體驗區與YO青年人打成一片。
律政司司長鄭若驊表示,出席協青慈善行起步禮前,佢應邀到協青社大樓見證協青社幫助高危青少年嘅工作及服務。佢呼籲社會各界繼續支持呢方面嘅工作,給予青年人更多支持,協助佢地揾到自己嘅未來路向。
YO協青社會長 區璟智感謝今天出席嘅嘉賓、善長仁翁及義工們,佢地唔單只用行動肯定YO爲高危青年提供嘅服務,更親切表達對青年人嘅關懷及愛護。
YO協青社副會長暨籌募委員會主席 黃紹基表示YO協青社一直緊貼青年需要,發展創新嘅青年文化平台。佢地深信每位青年人都擁有獨特才華,幫助高危青年發揮其「非主流」嘅專長,例如:街舞、歷奇、泰拳、以及電競等等,尋找自己嘅興趣,建立自尊自信,令佢地可以發揮不一樣嘅成就,做個正向青年。
YO 協青社今年嘅開支約 4,100 萬元,當中住宿單位約 1,300萬元由政府資助,其餘均需自行籌募。雖然努力開源節流,惟本財政年度預計會出現近200萬元赤字。YO盼望能與大家一起並肩攜手,繼續為高危青年提供適切嘅服務。
YO! Let’s Walk the Road協青慈善行2018
現場設有青年文化藝術表演及青年文化體驗攤位,由YO青年人一手包辦,精彩內容包括有泰拳體驗、街舞體驗、浮水畫製作、繩結鎖匙扣製作、扭氣球及懷舊遊戲等。壓軸表演由協青社嘻哈學校嘅青年舞者、YO危機住宿中心及YO自立堂宿舍舍員,帶領大家喺強勁音樂下,一齊跳千人毛巾操。
參加者由烏溪沙青年新村出發,步行至馬鞍山公園(城巿公園),沿途設有服務站及老幼咸宜嘅遊戲,終點更設有扭蛋機,俾參加者扭出充滿驚喜嘅活動紀念品。