為咗慶祝品牌誕生10週年，國際美鑽品牌Forevermark永恒印記於10月份隆重推出Endlea永恒系列全新款式，包括美鑽戒指、耳環、吊墜、頸鍊和手鍊。Endlea永恒系列嘅特色，係其象徵「永恒」標誌嘅絲帶結設計，代表永遠不變、恒久經典嘅絕美，與Forevermark永恒印記傳頌一時嘅品牌標語「鑽石恒久遠 一顆永留傳」一脈相承。

為新世代女性呈獻永恒經典的鑽飾 
Forevermark Endlea永恒系列自2016年推出以來，一直以經典璀璨，卻又充滿現代氣息嘅設計，喺芸芸鑽飾之中脫穎而出，令鑽飾充滿時尚型格之餘，亦都散發出嫵媚動人嘅魅力，而且款式變化多端，盡顯Forevermark永恒印記喺美鑽領域嘅優厚傳統及專家資格。

Forevermark Endlea永恒系列嘅最新款式，專為重視個人風格獨立自主嘅新世代女性而設計，具備濃厚嘅年輕活力及極高嘅可塑性，令人印象深刻。系列嘅主軸設計，係喺象徵「永恒」的絲帶結圖案中央，垂吊住一顆靈動閃亮嘅Forevermark永恒印記美鑽。流麗嘅鑽飾設計，為佩戴者增添動感元素，為嫵媚氣質注入跳脫嘅神韻，同時緊貼Endlea永恒系列頌讚新世代女性嘅理念。

Forevermark永恒印記新產品開發主管任佩嘉（Federica Imperiali）解構咗Endlea永恒系列全新款式嘅精髓，佢指出鑽石凝聚人生嘅重要時刻，令此情此景恒久相隨，無論係今天或未來，都可以令你仔細回味當中嘅珍貴回憶及經歷。瑰麗嘅鑽飾更被視為新世代女性不可或缺及值得擁有嘅珍貴飾物。

以FOREVERMARK美鑽締造巧妙時尚配搭

喺Endlea永恒系列嘅嶄新款式之中，首次推出嘅美鑽手鍊係重點推介。兩款白金手鍊設計以Forevermark美鑽垂吊於「永恒」標誌圖案之下，兩旁綴以一排閃鑽, 另外再喺手鍊上綴以兩顆或四顆鑽石，輕盈跳脫嘅設計隨著手腕嘅擺動，喺舉手投足之間漫不經意地綻放出絃目嘅光芒。

Endlea永恒系列推出之初，只有白金鑽飾，如今增添咗玫瑰金嘅款式，喺動人光彩之中洋溢絲絲暖意，再加上Forevermark永恒印記美鑽嘅閃爍光芒，勾畫出亮麗嘅絲帶設計及閃鑽戒環。
設計師選用玫瑰金之後，無論喺風格定係色彩方面，都可以作出更多不同嘗試，最適合富有時尚觸角嘅新世代女性。玫瑰金及白金互相交織，佩戴起嚟層次感更豐富，令人耳目一新，呢一點可見於Endlea永恒系列多款全新設計。

若喜歡較為流線型嘅款式，Endlea永恒系列三款精雅嘅頸鍊，將Forevermark 永恒印記單顆美鑽嘅光芒，與玫瑰金打造嘅「永恒」標誌圖案，凝聚喺小巧玲瓏嘅白金長鍊之中。

全新款式之中，包括兩對美鑽耳環，適合新世代女性日常佩戴，當中玫瑰金嘅設計可以靈活調節長度，佩戴時可以調節「永恒」標誌圖案嘅長短。 

至於美鑽戒指則風格綽約，充滿玩味。「永恒」標誌圖案刻畫喺纖巧嘅白金戒環之上，垂綴以一顆躍動嘅Forevermark永恒印記美鑽，簡約優美，而閃鑽設計嘅戒指就令Forevermark永恒印記美鑽更添華麗璀璨。

新世代女性身兼不同角色，既要建立事業，亦要豐富個人生活。Forevermark Endlea永恒系列嘅設計靈動高雅，適合不同場合佩戴，能完美顯現新世代嘅女性千嬌百美，展現出不拘泥及多變嘅時尚造型，例如可以配襯T恤牛仔褲，感覺悠閒舒適，亦可以點綴充滿層次感嘅上衣和長褲配搭，營造講究美態，仲可以配襯晚裝裙或連身褲，出席優雅晚宴。對於自信、聰慧、積極擁抱生活嘅新世代女性嚟講，Endlea永恒系列就係帶嚟喜悅嘅鑽飾之選。