性格剛強嘅 Nguyen Phuong Anh 為咗夢想不惜付出，克服無數嘅挑戰及因難後，終於成為越捷旗下嘅女機師，夢想成真，話俾大家聽巾幗不讓鬚眉！喺10 月 20 日嘅越南婦女節，Phuong Anh 分享咗好多佢成為機師嘅心路歷程，點樣憑藉堅毅不屈嘅精神獲得一份喺大家心中認為只有男人先可以勝任嘅工作。
美夢終成真
對機師嚟講，第一次嘅飛行經驗永遠係最難忘嘅。Phuong Anh 表示機師嘅基礎課程中進行 3 次起飛及降落訓練係必修一課。過程中，需要極高嘅專注力、判斷力及運用以往其他課程所教授嘅技巧，所以整個訓練相當困難。
訓練當日天氣好惡劣，Phuong Anh 形容當時心情非常緊張，但見到其他同學紛紛順利通過訓練，她就強忍淚水，繼續進行訓練，最終亦克服困難，順利完成整個訓練，當飛機停泊喺停機坪一刻，佢感動到擁着導師落下眼淚。
坐喺機師嘅座位上，接載過百位乘客，Phuong Anh 堅信呢件事係一種責任，亦都係一份驕傲。做到女機師嘅一刻，係佢最美好及難忘嘅時光。
以女機師之名征服天際
Phuong Anh 自己要比男機師付岀更大努力，先可以證明女機師嘅能力唔比男機師差。佢好榮幸喺2014 年加入越捷成為副機師，同時亦得到不少學習及發揮嘅機會。經過四年嚟不斷努力，磨練技術及累積經驗，佢終於成為越捷嘅機長。
不過，喺呢個男性主導嘅職業中，作為女機師嘅Phuong Anh 每天所面對嘅壓力並唔係男機師所能理解，佢試過多個晚上徹夜難眠，亦流過唔少眼淚，但佢深信只要比別人付出更多時間及心機，不斷增值自己，真誠及認真地與其他工作伙伴合作，終可得到大家嘅認同，一步步征服天際。
兼顧事業與家庭
除了事業上獲得肯定，Phuong Anh於家庭中亦係一位好太太及好媽媽。佢表示作為一位機師兼母親，要兼顧事業與家庭並唔容易。尤其係機師嘅工作時間比較彈性，好多日子特別係假日亦可能需要工作，所以佢喺時間管理方面需要安排得好妥當，令佢喺全心工作後有足夠時間照顧家庭，享受天倫之樂。
