今個聖誕,迎海薈、逸峯廣場及港灣豪庭廣場將於2018年11月16日至2019年1月1日期間與嚟自日本「世界名作劇場」、高踞LINE貼圖排行榜前列位置、並於日、韓、台等地大受歡迎嘅Puchi Rascal小小浣熊聯手打造「百變小小浣熊童夢世界」主題裝置,小小浣熊將化身成多個可愛萌爆嘅動物及以聖誕造型與大人小朋友齊齊歡度充滿愛與童真嘅夢幻聖誕!
此外,商場亦邀請到曾贏得多個國際(法國、意大利、美國、葡萄牙及西班牙等)繪畫冠軍獎項嘅小小畫家—陳永治(9歲)及陳溥治(5歲)兩兄弟攜手舉辦首個畫展,以「童夢世界」為題,展出多幅關於人與動物、愛與和平嘅童真畫作,以小朋友角度睇世界,藉此推動藝術發展及喚醒社區、動物及人與人之間嘅關愛,共度正能量滿溢嘅聖誕節!
港灣豪庭廣場「 聖誕愛心童樂園」 大愛迎佳節
聖誕係一個滿載愛與歡欣嘅佳節,小小浣熊戴上聖誕帽,化身聖誕小狗及愛心貓咪與大家一齊乘坐心心熱氣球齊齊倚伴欣賞浪漫雪景夜空!此外,商場仲特別打造充滿聖誕及愛意元素嘅巨型「LOVE」主題佈置,俾大小朋友打卡自拍一番,感受冬日暖暖愛意,溫馨氣氛滿瀉!
而於11月25日及12月2日,港灣豪庭廣場亦將聯同「拯救遺棄寵物中心」舉行「冬日愛心狗狗領養舞會」,到時待領養之狗狗將以舞會裝束現身,期待找到一個溫暖嘅家。同場均特設寵物美容護理學堂,等大家可以了解多啲關於護理寵物嘅知識。
逸峯廣場「 聖誕童遊大自然」 以畫宣揚環保訊息
地球係孕育生命嘅搖藍,為教育下一代環境保育之重要性,小小浣熊特別化身成森林之王及各式各樣嘅可愛小動物,喺童夢森林中同大家暢遊玩樂一番,向大小朋友發放環保訊息!小小浣熊以森林小動物造型登場,喺童夢森林中與大家暢遊玩樂一番,齊齊置身於森林中感受大自然嘅美好景致!
此外,同場亦設有「聖誕森林大挑戰」攤位遊戲,喺限時內將裝扮成其他小動物嘅小小浣熊們全部揾出來,挑戰參加者敏捷身手,更有機會獲得小小浣熊限定小禮品乙份,自問眼明手快嘅大小朋友們唔好錯過呀!
迎海薈「聖誕童幻世界」 投入夢幻的聖誕國度
細個嘅時候有無幻想過進入童話世界?今個聖誕,小小浣熊將會化身兔子先生帶大家跳入童話夢幻世界,場內設有大型奇幻聖誕鐘及小小浣熊層層茶杯,大小朋友亦可幻化成撲克牌公仔與小小浣熊齊齊成為撲克牌中嘅趣怪主角 !此外於指定日期場內更設有「勇闖小小浣熊迷宮陣」攤位遊戲,憑電子貨幣消費滿指定金額即可參加,有機會贏取小小浣熊限定小禮品乙份,開心度聖誕。
「百變小小浣熊童夢世界」
地點:迎海薈、逸峯廣場及港灣豪庭廣場
日期:2018年11月16日至2019年1月1日