時尚品牌 EASTPAK 一向備受年青人歡迎，其創意、創新嘅設計理念，打造出唔少別具特色及個人風格嘅背包及旅行袋，同時亦喜與不同時尚單位合作，聯乘多款潮流系列，當中不乏話題之作，活躍於聯乘界別！而且，EASTPAK 向來支持文化發展，將品牌融會生活嘅理念，融合唔同國家文化特色，帶嚟無數驚喜！

最近，EASTPAK 再有新驚喜帶給大家，喺 2018 年 11 月 15 日至 18 日期間，聯同本地插畫家 Noble Wong，於尖沙咀 LCX 舉行名為"Art In HK"嘅展覽，展出 Noble 多幅以昔日及現代香港為主題嘅畫作，有黑白及彩色嘅素描，當中包括灣仔藍屋、馬灣涌村、炮台里舊終審法院及中環摩天輪等，全部都係手稿作品，希望將原汁原味嘅情懷呈現喺大家眼前。

除此之外，同場亦會展出八款以香港為主題嘅手繪背囊，以 EASTPAK 嘅經典 Padded Pak’r，繪上黑白及彩色素描，油麻地果欄嘅繁盛、九龍城上空嘅情景、街頭「掃街」享受街邊小食等，一幕幕透過 Noble 嘅筆觸，呈現喺背囊之上。其中一款更係以今次展覽慈善收益嘅受惠慈善機構“生命小戰士會”為主題，以彩虹為背景，寓意克服困難，踏出彩虹，跟小鳥一樣自由飛翔，甚具意義。

今次展覽得到同樣熱愛文化藝術嘅 LCX 全力支持，提供場地及協助，令展覽得以順利舉行﹗另外，同場更設有手繪工作坊及由咖啡事多贊助之 Coffee Corner，集合幾個單位之力，一同以香港地道出發，予以大家視覺、觸覺、味覺共存嘅品味生活。

咖啡義送：
由"咖啡事多"贊助，凡於以下指定時間內購買 EASTPAK 保溫杯(收益將不扣成本，捐贈生命小戰士會)，即送咖啡乙杯。每日時段如下：
-15/11, 16/11, 18/11 :12:00-18-00
-17/11 :13:00-18:00

打卡位推介：
除咗一連四日的展覽外，EASTPAK 更邀得 Noble 以 EASTPAK LCX 專門店嘅櫥窗為畫板，手繪一幅以昔日及現代香港為題材嘅大型畫作，以呼應整個展覽主題。此櫥窗作品將由即日起展於 EASTPAKLCX 專門店至 11 月底，香港文化及藝術愛好者都唔好錯過呢個可以近距離賞畫嘅機會。

展覽日期 : 2018 年 11 月 15 日至 11 月 18 日
時間 : 12:00 – 21:00
地點 : 九龍尖沙咀海港城海運大廈三階 LCX Oasis 1
電話 : 3586 0099