太古坊一向致力為社區度身訂造藝術文化活動，喺今年9月及10月嘅周四午休時間舉辦咗PROJECT AFTER 6: Busking，由40組獲選buskers與多位歌手合力演出，將平日嚴肅嘅辦公大樓重塑成樂韻悠揚嘅快樂工作空間，為上班族打氣。
計劃今年首次擴展至全港，鼓勵上班族喺工餘時間繼續追尋音樂夢。一眾獲選buskers 精心策劃演出，結合星級歌手們嘅專業演唱，為一連 8場嘅午間音樂會帶嚟多元化嘅音樂驚喜，合共吸引超過3,000名觀眾。
40組Buskers與星級歌手午間合力演出 吸引大量嚟自各行各業嘅觀眾圍觀欣賞PROJECT AFTER 6: Busking嘅 40組buskers由AGA、林奕匡、符致逸等星級評判選出；聯同一眾知名歌手李幸倪、林二汶、江海迦、林奕匡、Robynn & Kendy、符致逸、Dusty Bottle、小塵埃、黃妍及葉巧琳喺午間音樂會送上精彩演出。
音樂會嘅表演非常多元化，有自彈自唱、有自創曲目、亦有表演年資達十年嘅busker帶嚟手風琴獨奏，更有低音大提琴配搭二胡嘅創新二重奏等，部分buskers更與星級歌手同場合唱經典歌曲。
除咗由各區到太古坊支持buskers演出嘅親友外，音樂會更吸引唔少區內上班族趁午休時間停下腳步，欣賞一眾buskers精湛嘅演出。現場歡呼吶喊聲此起彼落，將氣氛推向高峰！PROJECT AFTER 6: Busking一方面為全港上班族提供平台追尋理想，同時亦透過參加者動人嘅歌聲及熱情，向上班族發放正能量。
與企業夥伴攜手打造辦公樓互動音樂空間 推動工作生活平衡
PROJECT AFTER 6以藝術聯繫社區及推動業務嘅理念獲得不少企業認同。太古坊主要租戶星展銀行（香港）更成為計劃嘅首個企業夥伴。一同鼓勵員工發展潛能及推動工作生活平衡，其中兩位buskers更加係嚟自星展銀行嘅音樂人，全程投入支持活動。
推動集團2030可持續發展策略 延續Buskers音樂夢
太古地產市場推廣總監馮小玲表示太古地產深信以可持續發展理念為基礎，發展業務及構建社區，有助創造長遠價值。集團嘅願景係喺2030年成為可持續發展表現領先全球同業嘅代表。
PROJECT AFTER 6提供咗一個平台，利用藝術文化活動凝聚上班族，營造和諧愉快嘅社區，達致可持續發展嘅目標。未來，我地將會繼續朝此方向邁進，為社區度身訂造唔同嘅活動，等大家可以喺工作以外，發揮潛能，認識更多志同道合嘅朋友，提升生活質素。
今年PROJECT AFTER 6: Busking 嘅午間音樂會已經喺10月25日圓滿結束，但計劃繼續為buskers拓展更多演出機會，包括由11月至明年2月逢周日舉行嘅糖廠街市集、太古地產2018白色聖誕市集，及以「快樂創新，為民所享」為主題嘅社企民間高峰會2018等等，令一眾buskers有機會互相切磋及交流音樂心得，擦出新火花，亦讓更多人欣賞到佢地嘅音樂才華。
