軒尼詩連同享譽世界嘅設計大師Marc Newson，隆重推出軒尼詩X.O 2018年限量珍藏版。繼去年與軒尼詩X.O首度合作後，設計師再次突破傳統，為呢款經典幹邑賦予大膽嘅外形設計，令人耳目一新，而家已經喺全球發售。

簡約線條 重塑經典
Marc Newson嘅創新設計，為軒尼詩X.O 2018年限量珍藏版塑造超乎想像嘅顛覆性外觀。設計師以富有流暢線條，重塑經典白玉霓葡萄酒樽，並以細膩雅致嘅玫瑰金色點綴瓶身，將柔和極簡嘅設計理念與軒尼詩X.O瓶身琥珀流金嘅光影和諧相融。

設計師以簡潔嘅線條，勾勒出瓶身嘅經典弧線，更簡化咗瓶身上傳統嘅白玉霓葡萄與葡萄葉裝飾圖案，並代之以水波般嘅浮雕紋理。呢個亦都係軒尼詩X.O少有地選用條紋設計項目裝飾瓶身，其大膽前衛程度可見一斑。

設計師Marc Newson表示喺佢眼中，瓶身上嘅條紋浮雕，好好咁強化咗酒瓶外觀所帶嚟嘅視覺衝擊。當光線照射喺上面，呢啲將瓶身層疊纏繞嘅平行條紋，會將成個瓶身與瓶內嘅酒液映襯得更為光彩奪目，將干邑嘅顏色以及佢所蘊含嘅多重感官特質展現得淋漓盡致。

正如此前與軒尼詩共譜華章嘅眾多時代先鋒 -- 如設計師Arik Levy、Tom Dixon 與知名導演Nicolas Winding Refn -- 作為譽滿全球嘅設計奇才，Marc Newson亦為軒尼詩X.O創作咗又一件卓越獨特嘅作品。