「一天又平安的過去了，感謝飛天小女警的努力！」聖誕將至，陪伴大家成長嘅3位主角花花、泡泡、毛毛決定與各位粉絲歡度佳節！適逢飛天小女警踏入20周年，新鴻基地產旗下新蒲崗Mikiki及五大商場，包括屯門卓爾廣場、屯門錦薈坊、荃灣荃錦中心、荃灣新領域廣場及屯門寶怡商場，將與飛天小女警聯手，為大家帶嚟6大特色聖誕場景裝置，同時慶祝飛天小女警20周年，一齊 「Power Up」！

由12月1日起至明年1月1日，Mikiki中庭將變身成充滿聖誕氣氛嘅「Power Up聖誕小屋」，特設5大必到打卡位，俾大家投入飛天小女警嘅世界，盡情與花花、泡泡、毛毛、碧絲等角色合照，更有機會一睹飛天小女警一眾角色嘅設定圖，以及仿效尤教授自創專屬嘅飛天小女警新角色，一同歡度超能力聖誕！

此外，即日起至明年1月1日，活力十足嘅飛天小女警會率先喺屯門卓爾廣場、屯門錦薈坊、荃灣荃錦中心、荃灣新領域廣場及屯門寶怡商場登場，築起充滿聖誕氣氛嘅Christmas Power Up場景，與大家大玩特玩，同慶超能力聖誕！

卓爾廣場飛天小女警糖果聖誕村

夢幻糖果佈置，給你非一般嘅甜蜜聖誕！大家可以坐上心型綿花糖椅子，與獨角獸唐唐合照；3D飛天小女警花花、泡泡、毛毛更穿梭於彩色曲奇聖誕樹、棒棒糖、咖啡杯等巨型甜品之間，甜美場景令人少女心滿瀉！

日期：即日起至2019年1月1日
時間：上午10時至晚上10時 
地點：卓爾廣場地下中庭

錦薈坊‧飛天小女警雪球大戰

雪球大戰係聖誕經典遊戲，壞蛋Mojo JoJo就想嚟搗亂！好在三位智勇雙全嘅飛天小女警成功制服Mojo JoJo，仲將佢困喺水晶球之中！快啲加入戰團，同花花、泡泡、毛毛與雪人開心合照！日期：即日起至2019年1月1日
時間：上午10時至晚上10時 
地點：錦薈坊三樓中庭

荃錦中心‧飛天小女警睡衣派對

飛天小女警三位主角身穿睡衣嚟到荃錦中心，準備喺佈置咗聖誕樹嘅睡房嚟一場枕頭大戰。你都嚟參加呢場「混」戰，同花花、泡泡、毛毛一決高下啦！
日期：即日起至2019年1月1日
時間：上午10時至晚上10時 
地點：荃錦中心二樓中庭

新領域廣場‧飛天小女警聖誕廚房

「Let’s Party!」三位飛天小女警為咗準備聖誕派對，正喺廚房合力炮製應節美食。唔知邊個嘅廚藝最了得呢？

日期： 即日起至2019年1月1日
時間：上午10時至晚上10時 
地點：新領域廣場二樓中庭

寶怡商場‧齊來佈置聖誕樹

三位飛天小女警換上聖誕衣飾，一齊佈置小鎮村上嘅巨型聖誕樹。聖誕樹前仲有一對笑嘻嘻嘅薑餅人坐喺紅色雪橇上，節日氣氛濃厚！

日期：即日起至2019年1月1日
時間：上午10時至晚上10時 
地點：屯門寶怡商場地下展廊

換領三款精品　將飛天小女警帶回家中

想將飛天小女警帶返屋企？只須喺指定日子以電子貨幣消費滿指定金額，就可以免費換領飛天小女警限間期定禮品－「可愛揼揼按摩棒」、「多用途旅行收納袋(一套五款)」及「暖笠笠摺疊被咕臣」！