2018 年11 月9-11 日，Lush 嵐舒喺尖沙咀海港城LCX 舉辦咗以綠色環保理念為主題嘅 「Lush Live LCX 2018」活動，希望大眾認識減少使用包裝及升級再造嘅實踐方式，喺日常生活中積極減廢，體驗 Lush 嵐舒為你帶嚟綠色聖誕。

#減廢聖誕天地
呢個區域佈滿五彩繽紛嘅聖誕裝飾，包括以環保奇蹟絲巾製作成嘅聖誕樹，從產品造型得到靈感嘅巨型木馬擺設，成為大家嘅打卡拍照熱點。客人更嘗試以環保奇蹟絲巾代替包裝，了解到更多關於零包裝嘅美好概念及實踐方法。場內更有嵐舒產品製作員嘅新鮮手製產品示範，俾客人窺探產品嘅製作過程。

#Lush 嵐舒冬季產品和明信片 DIY 站
Lush嵐舒LCX分店內設有「聖誕市集」，最新嘅冬季限量產品一覽無遺，包括多款零包裝產品既聖誕禮盒，供客人試用及選購；零包裝版本嘅慈善愛心潤膚乳亦喺店內有售，客人購買除咗可以支持本地基層慈善機構，仲可以減少包裝上嘅浪費。顧客喺店內嘅明信片DIY站以再造紙明信片蓋上手製印章，製作獨一無二嘅聖誕卡片，為摯愛送上聖誕祝福。

#新鮮產品手製工作坊
客人可以喺呢個工作坊親身體驗製作新鮮產品，例如汽泡彈、泡泡浴芭及新鮮洗面膏。親切專業嘅嵐舒大使帶領參加者逐步完成產品製作，體驗手製新鮮產品嘅無窮樂趣。

#升級再造工作坊
嵐舒與不同本地團體合辦慈善工作坊，俾客人將被廢棄嘅物料變身成充滿節日氣氛嘅聖誕飾物。將酒瓶松木塞製作成聖誕樹擺設、以天然廚餘儼瞭染色有機棉手帕以及利用海玻璃升級製造成聖誕掛飾。