小朋友總對聖誕老人滿懷憧憬—佢會悄悄地送上禮物及驚喜、擁有非凡身手、係開心快樂嘅代號……小朋友又有無諗過自己能肩負聖誕老人嘅重任，向家人及朋友傳遞真摰嘅節日祝願？

挪亞方舟由2018年12月8日至2019年1月1日﹙逢星期六、日及公眾假期﹚呈獻「玩轉聖誕老人村」，招募小朋友成為見習聖誕老人，等佢地挑戰「螢光聖誕大歷險」嘅多項考驗眼界及身手嘅任務、經營「童夢聖誕市集」嘅五間小店並炮製精緻可口嘅甜點，以及接受「鹿車飛馳天地」嘅駕駛特訓等等。通過指定任務後就可以升級為聖誕老人，以夢寐以求嘅全新身份玩轉聖誕，將愛與希望傳給他人！

「螢光聖誕大歷險」  
聖誕老人經常喺靜謐嘅黑夜出動，趁小朋友好夢正甜，悄悄由煙囪爬落嚟將禮物放入襪子，因此小小見習聖誕老人要先適應漆黑環境，並練成準繩嘅眼界以及敏捷嘅身手！

「童夢聖誕市集」  
喺 「童夢聖誕市集」，每間店鋪佈滿色彩絢麗嘅童趣裝飾，陣陣馥郁嘅甜點香氣更撲鼻而來。見習聖誕老人將穿著特色的服飾，輪流主理糖果、爆谷、冬甩、窩夫及手作共五間小店，一手包辦製作甜點、設計小手作及招待客人等大小事務，合力打造首個由小朋友營運嘅聖誕市集。
「童夢聖誕市集」的所得收益在扣除成本後，將撥捐予慈善機構Rainbow Foundation，向參加者傳遞分享的訊息。

「聖誕薄餅工房」
薄餅係聖誕派對必備嘅食物之一，作為見習聖誕老人，當然要到「聖誕薄餅工房」偷師學藝，然後與親朋摰愛分享自製的窩心滋味。工房導師將教授小朋友運用創意製作以聖誕樹為造型嘅薄餅，並配上色彩繽紛嘅食材作點綴，賣相精緻且富有心思，帶嚟極致嘅視覺及味蕾享受，將節慶氣氛昇華！ 

「未來聖誕郵箱」
聖誕老人一直肩負為小朋友達成願望嘅重大使命，咁自己嘅盼望又有無實現呢？小小見習生會喺聖誕卡寫下目標及冀許，投進「未來聖誕郵箱」，寄俾未來嘅自己！佢地來年會收到呢張聖誕卡，回顧所許嘅心願成真與否。

「鹿車飛馳天地」
提到聖誕老人派送禮物嘅最佳夥伴，當然非鹿車莫屬吧！嚟到「鹿車飛馳天地」，見習聖誕老人會接受密鑼緊鼓嘅駕駛特訓，騎著小鹿車穿梭，體驗馳騁嘅快感，並從中學習駕駛鹿車嘅技巧，先可以同最佳夥伴完成禮物派送嘅任務。

「啤啤熊製作室」
派送禮物後，見習聖誕老人可到「啤啤熊製作室」親手製作屬於自己嘅聖誕禮物！參加者將啤啤熊充入棉花成型後，揀選型格醒目嘅服裝，透過發揮創意思維，為熊仔設計獨一無二嘅形象，並帶佢返屋企同渡溫馨嘅節日時光。

「聖誕老人畢業拍照區」
經過連串指定嘅訓練及任務，參與見習嘅小朋友都可以順利晉升為聖誕老人！嚟到「聖誕老人畢業拍照區」，佢地將獲頒畢業證書以作嘉許，仲可以着住聖誕老人服飾拍照留影，記錄滿載喜悅嘅時刻。

活動日期: 2018年12月8日至2019年1月1日(逢星期六、日及公眾假期) 
時間:上午10時至下午6時
地點:香港新界馬灣珀欣路33號 
查詢電話: 3411 8888
網站: 詳情請參閱 http://www.noahsark.com.hk 
入場費: 凡進入挪亞方舟人士需繳付入場費，成人HK$168，小童及長者HK$138