個個一提起去旅行都會即刻眉飛色舞,恨不得即刻離開香港好好咁放鬆一下。既然係想去輕鬆一下,咁就當然係要去啲唔洗同人逼,又唔會聽到成街都係講返廣東話嘅地方啦!近嚟多咗唔少人揀去泰國旅行,所以小編就特意揀咗泰國周邊一個未有太多人到訪嘅小島,等你地可以離開人群好好享受!
位於泰國東部嘅狗骨島(Koh Kood)就係一個相當適合11月至4月到訪嘅地方。呢個小島同曼谷相距5個鐘嘅車程,所以短期觀光嚟講就好少會揀呢個地方。因此呢個島上大多數都會係泰國當地人,令你可以好好咁感受一下泰國嘅風土人情。
島上有兩個好出名嘅純白沙灘,分別係Klong Chao 同埋 Ao Noi。咁靚嘅沙灘就當然係要影返幾輯靚相啦!因為呢度嘅遊客唔多,所以你完全唔洗擔心會人逼人。你可以盡情喺沙灘上留下倩影,又或者係眺望無邊嘅海洋享受謐靜時光。
到訪海島又點少得潛水呢一項活動呢?喺呢度你當然係可以潛入海中細看美妙嘅海洋世界,與自然親近一番。如果唔係好鐘意海上活動嘅話,探索山林就係個唔錯嘅選擇啦!呢度有多個唔同嘅瀑布景點,多變嘅林野景色亦都係看點之一。
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like