每個女仔都擁有一顆少女心，夢想開蛋糕店、甜品店；夢想置身於糖果屋。相信各位年年18歲嘅少女，都有過依啲少女夢。而加，你哋嘅夢想可以實現啦！名古屋嘅Sweet Exhibition，幫各位少女們實現少女夢！

# 夢寐以求嘅和菓子王國

(ctv.co.jp)

Sweets Exhibition嘅場地設計分為8個唔同嘅地區，當中以糖果、朱古力、曲奇等等為每個地區嘅主題，令你仿如置身甜品王國一樣！

# Zone 1 糖果城堡

(ctv.co.jp)

一踏入和菓子樂園，歡迎你嘅唔係搞笑嘅小丑；唔係威風凜凜嘅士兵，而係一座城堡。而且佢唔係一座普通嘅城堡，而係一座用糖果整成嘅城堡。依座糖果城堡，令你仿如糖果屋入面嘅葛麗德咁，置身於用零食起嘅建築物中。經過糖果城堡後，奇幻而又好食嘅甜品旅程即將開始！

# Zone 2 思考中的朱古力人

(ctv.co.jp)

邊個話朱古力人唔可以思考㗎？任何人都可以思考㗎啦！朱古力人係Zone 2到，坐係一張用馬卡龍、蛋糕、布甸等等一見到就令人流哂口水嘅甜品，整成嘅櫈到，思考人生嘅意義。

# Zone 3 魔女蛋糕店

(ctv.co.jp)

「魔法少女，變身！」有邊個女仔細個無幻想過自己可以變身做魔女，或者目睹魔女嘅英姿？今日，Sweets Exhibition為你帶嚟魔女蛋糕屋。魔女會騎住佢嘅魔法掃把，反射係蛋糕店入面，為你帶嚟，由魔女係魔法世界親手整嘅，好睇又好食嘅蛋糕。

(ctv.co.jp)

「又話有8個地區嘅？點解得3個㗎？」淨返果5個，等緊你帶埋你嘅閨蜜、你嘅好姊妹一齊去探索。最後，仲有以甜品為主題嘅精品等緊你哋去買。今個冬天，Sweets Exhibition幫你實現少女夢！

(ctv.co.jp)

Sweets Exhibtion

2018年11月23日至2019年2月11日 (9:30-17:00)

門票售價:名古屋市科學館 理科館B2 Event Hall

一般 1400円

大學/高中生 800円

小學生 500円

(預售券每張平200円)