今個聖誕節，港鐵商場 PopCorn 打造咗全港首個「JUSTICE LEAGUE | b.wing」主題裝置【聖誕歡樂聯『萌』英雄基地】，八大人氣角色包括超人、蝙蝠俠、神奇女俠、小丑、小丑女、閃電俠、綠箭俠及貓女，將結合可愛及正義元素「萌爆」登場，與大家歡渡佳節！

PopCorn 慶祝呢個普世歡騰嘅大日子，亦不忘為活動增添教育元素，透過活動支持環保教育，特意舉辦為期一個月的《小英雄 大意義》企劃。

【綠色．聖誕頌】 全港首支塑膠樂隊奏出聖誕樂章

「自然遊樂」(Nature Play in the City) 由 Helen Yuen 創辦，Helen 深信大自然嘅力量能觸動孩子天賦感官，啟發孩子嘅創意與潛能。佢認為任何悅耳的樂曲都需要適量嘅變奏，鼓勵大家打出屬於自己嘅節拍，發掘看似不合用之物嘅妙用，從而反思自身生活習慣，惜物減廢。Helen 籌組咗全港首支塑膠樂隊–「自然遊樂 Plastic Band」，以破格方式將綠色生活帶進社區。

樂隊成員有隊長 Helen Yuen 及一眾年輕音樂人包括音樂指導 Aaron Mou、鼓樂手 Jen Wong、結他製作人 Chris Lam、敲擊樂器成員 Marcus Yeung 與 Piyo Yeung 及美術指導 Alice Lai，利用由廢棄塑膠產品升級再造 (Upcycling) 嘅不同樂器，現場演繹多首聖誕樂曲，於佳節宣揚環保心意齊愛地球。

PopCorn 更邀請咗「自然遊樂」嘅專業導師，舉行【小英雄環保學堂】，現場教授環保樂器製作方法，各位小英雄可以選擇唔同嘅環保物料，親自製作獨一無二、屬於自己嘅樂器。PopCorn 更貼心加入時下家長最關注嘅 STEM 教育，專業導師將與參加者一起瞭解聲音係如何產生、不同弦線長度與音頻嘅美妙關係等知識，以增進各位小英雄嘅生活科學通識，為地球出一分力！

【綠色小英雄換．玩．Boxing Day】綠色市集 換換玩具分享愛

除此之外，PopCorn 更會與香港基督教青年會開展嘅「玩具銀行」合作，喺拆禮物日(12月 26 日)舉行【綠色小英雄換．玩．Boxing Day 嘉年華】，希望家長鼓勵小朋友屆時帶同家中過剩或不合意嘅玩具，透過以物易物嘅方式獲取代幣。小朋友除可即場以代幣換取其他玩具之外，代幣更可用於參與面部彩繪、小英雄遊戲區等不同攤位，期望透過唔同活動令小朋友能從中學習珍惜、與人分享及資源再用等道理。

為咗等小朋友可以直接為地球出一分力，嘉年華更會公開招募小朋友充當不同攤位嘅小店員，身體力行協助其他小朋友學習珍惜及發掘事物嘅美好，活動完成後小店員均會獲得證書，以紀念各位小英雄與父母度過如此有意義嘅聖誕節。

【小英雄環保學堂】
活動日期: 2018 年 12 月 2 日 (星期日)
活動時間: 下午 3 時至 5 時
活動地點: PopCorn 一期一樓中庭

【綠色．聖誕頌】
表演日期: 2018 年 12 月 9、22、23、24 及 25 日
表演時間: 下午 3 時 (第一節)，下午 5 時 (第二節)
(12 月 24 日將於晚上 6 時及 8 時表演)
表現地點: PopCorn 一期一樓中庭

【綠色小英雄換．玩．Boxing Day】
活動日期: 2018 年 12 月 26 日 (星期三)
活動時間: 中午 12 時至下午 5 時
活動地點: PopCorn 一期一樓中庭

PopCorn【聖誕歡樂聯『萌』英雄基地】
日期: 即日起至 2019 年 1 月 1 日(星期二)
時間: 中午 12 時至晚上 10 時
地點: PopCorn 一期一樓中庭及地下顧客服務中心旁