講到日本美食，拉麵絕對係我嘅favorite choice。鍾意食拉麵嘅人舉手！我哋一齊組團去大阪萬博紀念公園嘅拉麵博覽2018，食盡日本拉麵。

(ramenexpo.citylife-new.com)

今次拉麵博覽分為4幕，每幕都會有10間唔同嘅拉麵店，為你帶嚟佢哋嘅特色拉麵。

第一幕拉麵博覽2018將會係11月30號至12月2號舉行。

(ramenexpo.citylife-new.com)

(ramenexpo.citylife-new.com)

第一幕最特色嘅拉麵，一定要數大阪宮上屋嘅咖哩豬肉拉麵！宮上屋嘅店主— 宮上誠吾同堀川大地，一直都以佢哋自製嘅「出汁」咖哩拉麵為傲。今次，佢哋將會送上最引以為榮嘅咖哩拉麵，為拉麵博覽2018打頭陣！除此以外，仲有來自富山嘅鹽味蝦拉麵、北海道嘅味噌蟹味拉麵等，為依個拉麵博覽揭開序幕！

第二幕則係12月7號到12月9號舉行。

(ramenexpo.citylife-new.com)

第二幕嘅拉麵主要以雞肉同豬肉為主。拉麵博覽2018第二棒嘅選手有：來自東京而且具有東京style嘅濃厚東京style味噌拉麵、來自琦玉嘅三大地雞鹽味拉麵等。當中來自大阪Yabai! Suk!! Honmani!嘅拉麵，更加無添加化學調味料，令你食得安心又放心。

(ramenexpo.citylife-new.com)

第三幕拉麵博覽2018會係12月14號至12月16號舉行。

係第三幕嘅拉麵博覽2018，來自大阪嘅kitakata食堂為你帶嚟拉麵博覽限定嘅雞肉拉麵。另外，仲有來自和哥山，用雞肉同魚介(即係豬骨湯底到加上魚乾同野菜)做湯底嘅拉麵、來自雪國新潟嘅豬肉味噌拉麵等，保證令你一試難忘！

最後，第四幕會係12月21號至聖誕當日舉行。

(ramenexpo.citylife-new.com)

(ramenexpo.citylife-new.com)

今次拉麵博覽，壓軸登場嘅有：來自福島嘅雞湯x台灣拉麵嘅fusion拉麵、來自大分嘅炭燒叉燒豬肉拉麵、來自東京嘅煙薰叉燒拉麵等等。又炭燒又薰燒，仲有fusion麵…睇嚟我都要買定機票去大阪嘅拉麵博覽，食盡全日拉麵！

(ramenexpo.citylife-new.com)

拉麵博覽2018將會係活動期間嘅朝早11點到夜晚9點，係大阪萬博紀念公園嘅祭典廣場舉行。另外，拉麵券售價為1碗650円，2碗1200円。而係12月20號前，預售嘅4碗拉麵券只係2350円。今個聖誕，一齊手拉手去食拉麵！