Johnnie Walker 現正宣布推出 Johnnie Walker Blue Label Ghost and Rare 系列 Port Ellen,以 Johnnie Walker Blue Label 威士忌儲備中不可多得嘅「幽靈威士忌」釀製而成,為Johnnie Walker Blue Label 典藏系列帶嚟第二版本。
少數標誌性而又關閉多年嘅釀酒廠所生產嘅威士忌之中嘅獨特風味令調酒大師 Jim Beveridge為之著迷,一直醉心研究,為屢獲殊榮嘅 Johnnie Walker Blue Label 帶來非凡而充滿深度的個性。
Ghost and Rare 系列中嘅每一瓶限量版威士忌皆彌足珍貴,經精挑細選嘅稀有麥芽及穀物威士忌為 Johnnie Walker Blue Label 系列帶嚟與別不同嘅珍藏陳釀,帶嚟前所未有嘅非凡享受。
Ghost and Rare 限量版嘅靈魂核心為位於蘇格蘭艾拉島(Islay)上著名酒廠 Port Ellen 所出產嘅單一麥芽威士忌。Port Ellen 酒廠早喺 1983 年關閉,此「幽靈酒廠」嘅陳釀為世界上最稀有及最受歡迎嘅單一麥芽威士忌之一 。
坐落於蘇格蘭 Kilnaughton Bay 岸邊, Carraig Fhada 燈塔於四面守護,偶爾可見北極光嘅飄逸光芒嘅 Port Ellen 酒廠現已沈寂,乘載珍貴貨物嘅船隻於回憶中航行,其單一麥芽威士忌成為難能可貴嘅僅餘陳釀。
調酒大師 Jim Beveridge 與他嘅團隊從無與倫比嘅 Johnnie Walker Blue Label 威士忌儲備中精心挑選出七款最稀有嘅,無一少於二十年陳釀嘅單一麥芽威士忌,與 Port Ellen 嘅威士忌精心調配以平衡其獨特個性,將 Port Ellen 嘅佳釀重新詮釋。
Jim Beveridge 表示嚟自蘇格蘭 Caledonian 及 Carsebridge 嘅傳奇『幽靈威士忌』帶嚟層層如忌廉般順滑嘅香甜雲尼拿風味,單一麥芽威士忌酒廠包括Mortlach、Dailuaine、Cragganmore、Blair Athol 及 Oban 嘅佳釀則送上一浪接一浪香濃嘅柑橘、豐潤嘅麥芽風味及熱帶水果嘅香氣,與 Port Ellen 熱情嘅海洋煙燻風味互相輝映,悠長而溫暖嘅餘韻突顯出傳奇威士忌嘅非同凡響。
Johnnie Walker Blue Label Ghost and Rare 瓶裝酒精度為 43.8%,現已於香港各大零售商店有售,建議售價為港幣$3,050(750 毫升)。Johnnie Walker Blue Label Ghost and Rare限量系列 Port Ellen 中每瓶均擁有專屬編號。