將軍澳 PopWalk 天晉滙文青市集載譽歸來，喺 12 月 7 至 9 日一連三日舉行《又到聖誕~又到聖誕市集》，今年特別邀得台灣及泰國兩地檔主親臨參與，全場超過 40檔特色攤檔大賣精緻手工精品、獨特藝術品、型格家品及手飾服飾等，絕對係文青及閨蜜們最佳聖誕好去處！

此外，DreamWorks KOUKOU 四大主角史力加、阿寶、阿力及企鵝老大將化身巨型氫氣球現身銅鑼灣、旺角、將軍澳及北區等(12 月 1、 2、8、9 日)，更會大派主題萌爆小氣球，開心共迎聖誕！

台灣泰國文青檔主齊撐 即製獨家印章及皮革

台灣及泰國絕對係潮流夜市嘅集中地，唔少港人近年亦遠赴兩地暢玩購物一番，一件件精緻手工藝品令女生們愛不釋手！今個聖誕，PopWalk為你帶嚟多個特色海外市集單位，包括西門紅樓創意市集大熱攤檔、專賣主題手作飾品及聖誕飾品嘅「耳根硬」；出售自製嘅皮革品如手機掛繩、証件套、手提包及散紙包的「木木創意」；以各色棉繩線材搭配金工銀飾、寶石、珍珠、瑪瑙及琉璃製作多彩飾品嘅「Colorido」；台灣最早手工帽設計品牌，以獨特布花、精緻細工與獨家版型設計嘅「HiGh MaLi」；以「不想長大的小孩」為品牌概念、以各種原創角色設計生活小物嘅「人中人株式會社」，多款趣怪嘅布藝及紙藝品絕對是潮人必備單品！

至於泰國文青代表則有全場獨家、專為客戶製作個人頭像印章嘅「CRAFTFETERIA」，不論情侶或閨蜜們均可製作獨一無二嘅小禮品送給摯愛，共度甜點溫馨佳節！以質量取勝，堅持個人設計概念，製作出簡單而多用性布製袋嘅「The Ducky」，文青們又怎能錯過。

大熱紮染服飾 小襪聖誕飾品迎佳節

近年自家製紮染飾品深受年青人歡迎，以自然及生物融合到服飾嘅設計概念、自家研製冰染及漂染技術嘅「Physiojam」，當中更有多款獨特圖紋及色調嘅服飾，俾你自由搭配至潮造型；備受陶器粉絲追捧，以人手製作每個獨特形態紋理嘅食具及花盆嘅「陶啟安」；製作羊毛氈貓狗動物、手繪寵物匙扣飾物、防水雨傘袋及輕黏土寵物掛飾嘅「花貓手作室」，各位奴才一定要買個主子造型飾物旁身！而喜愛新奇飾品嘅女生們則可親臨阿達小襪，多款以襪子製作嘅聖誕掛飾、毛公仔、家品飾物等令你一擁心愛精品回家！

提到文青當然唔少得花藝品，例如售賣大大小小、以不同花草素材創作嘅掛飾品、主題擺設、聖誕裝飾及手飾嘅「Colour Freak Studio」及「夢蝶花作」；喜歡手作嘅文藝青年則可選購場內多款手作聖誕卡、鈎織小手袋、刺繡單品、多功能手工皂及手繪藝術紙品等，360度打造文青氣息。

今年想送別緻精品、充滿文青風格嘅禮品比朋友，就一定要去PopWalk嘅聖誕市集，為你嘅摯愛搜羅最窩心、最獨特嘅的聖誕禮品！

開心飛天巡遊 主題氣球大放送
商場2期戶外露天長廊更會化身甜蜜夢幻大道， DreamWorks KOUKOU 四大主角史力加、阿寶、阿力及企鵝老大將於巨型甜點裝置中現身，絕對係閨蜜們打卡必到熱點！喺 12 月 1、 2、8 及 9日更打造《DreamWorks KOUKOU 搶”Float “巡遊》，4 隻萌爆嘅主角將喺鬧市現身，與大家見面及大派獨家主題氣球，送上開心祝福！

日期：2018 年 12 月 1、 2、8、9 日 (六及日)
時間：2:00pm – 4:00pm
地點：銅鑼灣 / 旺角 / 將軍澳 / 北區

日期：2018 年 12 月 23、25、26 日
時間：2:00pm – 4:00pm
地點：上水廣場 2 樓中庭

將軍澳 PopWalk《又到聖誕~又到聖誕~市集》
日期﹕2018 年 12 月 7 至 9 日
時間﹕12:00nn – 8:00pm
地點﹕PopWalk1 期戶外露天長廊

《DreamWorks KOUKOU 搶”Float “巡遊》
日期：2018 年 12 月 1、 2、8、9 日 (六及日)
時間：2:00pm – 4:00pm
地點：銅鑼灣 / 旺角 / 將軍澳 / 北區
日期：2018 年 12 月 23、25、26 日
時間：2:00pm – 4:00pm
地點：上水廣場 2 樓中庭
詳情請參閱場內海報宣傳及 PopWalk天晉滙 Facebook 專頁