ifc 商場一直提供尊尚購物及餐飲體驗，並透過不同嘅節日活動，致力令訪客可以同親朋摯友共度難忘嘅歡樂時光。ifc商場嘅「Santa Academy」聖誕老人學院由11月16日起正式「開學」，邀請大家喺聖誕佳節走進充滿北歐氣氛嘅學院內，化身成為聖誕老人「學員」，從心感受聖誕意義，體驗富想像力嘅歡樂旅程。
位於ifc 商場中庭嘅「Santa Academy」聖誕老人學院將集合六個互動區域，歡迎富好奇心嘅你成為學員，一窺聖誕老人係點樣為呢個繁忙季節作準備。由學習聖誕老人嘅經典「Ho-ho-ho」笑聲、撰寫明信片，以至了解聖誕老人服飾等，學員們可透過互動嘅裝置學習做聖誕老人嘅技巧，從裏到外把握成為一個稱職聖誕老人嘅本領。完成整個歷程並喺電子學員手冊上收集全部印章後，大家更會獲頒個人化「證書」貼紙，成為ifc 商場聖誕老人學院畢業生嘅一份子！
ifc 商場更特意與美國聖誕老人學院「Northern Lights Santa Academy」合作，以聖誕老人 學院嘅訓練為創意設計方向來策劃令次內容。「Northern Lights Santa Academy」創辦人及院長Santa Rick亦親臨香港，為呢個別具意義嘅聖誕裝置揭開序幕。Santa Rick本人都係一個殿堂級聖誕老人－ 佢不但擁有逾 49 年嘅豐富經驗，更喺學院成立前已成功訓練超過千名學生成為聖誕老人。佢創辦「Northern Lights Santa Academy」嘅目的係希望透過多元化的課程、實踐訓練及專業指導來宣揚聖誕老人行業嘅專業及提高聖誕老人嘅質素。
Santa Rick 表示佢對與 ifc 商場嘅合作感到相當興奮，佢希望呢個聖誕老人學院能鼓勵香港大眾發掘潛藏於自己心底嘅聖誕精神，身體力行去為身邊親友送上歡樂，並成為佢地真正嘅聖誕老人。佢亦深信最佳嘅聖誕禮物就係愛與支持，只要為身邊人給予多一點時間及關愛，世界將會變得更美好。
「Santa Academy」活動詳情：
日期: 2018 年11月16日起至 2019 年 1 月 1 日
時間: 每日早上 10 時 30 分至晚上 10 時
地點: ifc 商場
網站: ifc.com.hk/xmas2018
電話:2295 3308
