為咗迎接聖誕及新年佳節，信和集團隆重呈獻 2018 節日燈飾。由即日起至2019年2月19日假尖沙咀地標中港城每晚亮起閃爍燈飾，照耀維港兩岸。 

信和集團首度與國際級街頭藝術家合作，委托其設計集團位於臨海的著名節慶燈飾。今次合作中，由澳洲藝術家 Drew Straker 將以其標誌性嘅霓虹塗鴉風格為靈感，為香港市民呈獻一系列燈飾作品。大型燈飾作品注入咗街頭藝術隨意又活靈活現嘅風格，Straker 為信和集團每年一度嘅節慶燈飾帶嚟全新形象。 

呢位國際知名嘅塗鴉及壁畫藝術家以佢嘅2D壁畫而為人熟悉－雖然係平面作品，Straker 卻靈活運用霓虹色顏料，予人立體嘅視像錯覺。呢次係佢嘅首個大型燈飾作品，佢創作咗一個乘搭太空船抵達嘅薑餅人為主角，開展一段香港精彩嘅旅程。Straker為面向香港高鐵西九龍站嘅外牆設計咗一輛聖誕特快列車, 車身有佢自己嘅簽名以及代表街頭文化嘅顏色噴罐。 

藝術家 Drew Straker 對此表示今次與信和集團合作嘅機會令人相當興奮，能夠將作品展示喺如此大型又吸引目光嘅平台上係一件好難得嘅事。憑藉對融合顏色、力量及節慶氣氛嘅理念，佢期待呢啲光影作品能夠為香港市民帶嚟一次嶄新嘅視覺體驗，亦希望所有人都可以樂在其中。 

為咗配合燈飾作品展出，Drew Straker運用其著名嘅塗鴉風格為中港城創作咗藝術裝置放置喺商場內。信和集團亦將與藝術家攜手舉辦連串公眾活動，包括於12月6日舉行，由 Drew Straker 本人主持嘅 Art Jamming 派對。信和集團更為商場顧客準備多款以藝術家塗鴉作品為主題嘅贈禮，特設作品展覽空間 Neon A Room 供顧客以近距離欣賞 Drew Straker 嘅作品。

信和集團市務及推廣總經理梁翠珊女士表示佢地好高興見證 Drew Straker 運用其創意，為中港城帶嚟與別不同嘅明亮色彩。同時亦非常期待大眾來探索佢嘅光影藝術，參與其中。