聖誕節除咗睇聖誕裝飾，梗係要扮靚靚四出影靚相，之前夏天登陸香港嘅Hidden Planet延長開放時間至聖誕季，仲唔快D黎玩返夠本?
Hidden Planet 嘅門口好有港式懷舊風格，連入口都非常特別，要等電話響先入得，好有穿越感。
一入去好似入咗外太空咁，四周黑媽媽，只有微微嘅星光。之後就會見到彩虹隧道，正式展開星球探秘。
入到去有互動長廊，整好晒就會彈出WELCOME字樣。另外一邊仲有哈哈鏡，自己都好似變咗外星人咁啊！
再入去就見到好多外星小生物係度玩，大家都可以係度同佢地影下相。
重頭戲就係度，好多女仔打卡到唔走嘅位，光影萬花筒！真係點影都靚架！
呢度仲有好似鐳射阻礙一樣嘅走廊，打卡一流！
然後就會入到一間好多門嘅房，你可以開到幾多道門呢？
臨走呢度同入口互相呼應，不過呢度用嘅係反射鏡而唔係哈哈鏡，每一面鏡子都有你嘅影相，好搞笑！
出返黎現實嘅世界，真係有啲意猶未盡！提提大家，呢度仲有螢光顏料嘅HAND PAINTING，入場之前可以加錢做咗佢，係HIDDEN PLANET入面你會更融入星球，拍出更特別嘅相！
小編事先做足功課，提早網上預訂會平D架！大家布時間不妨過黎玩啦!
Tags: Homita小出走
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
