今個冬日將會係遊覽香港嘅最佳時候！香港旅遊發展局（旅發局）會喺2018年11月29日至2019年2月24日期間舉行「 閃躍維港燈影節 」 ，透過多項閃爍耀目嘅燈影活動，令維多利亞港兩岸及天際變得更璀璨奪目。

首屆「閃躍維港燈影節」内容豐富，包括首次喺港舉行、規模全港最大嘅「 國際燈光藝術展 」， 加強版嘅「 幻彩詠香江 」 音樂匯演將加入更多大廈參與匯演及特別效果。今年冬季，香港將猶如上演一場光之藝術盛宴，必定令旅客目不暇給。

冬日燈影遊樂園

「國際燈光藝術展」 雲集嚟自世界各地共14件由國際藝術家設計，並曾喺其他知名光影節展出嘅燈影藝術作品，連同4件由本地藝術家創作嘅作品，將中環海濱化身為互動嘅燈影藝術樂園。

旅客除咗可以喺富創意嘅展品前拍照打卡外，仲可以參與其中，其中有匈牙利藝術家Viktor Vicsek創作兩個以LED燈泡製成嘅頭顱《Talking Heads》，呈現唔同嘅面部表情和色彩，同時對觀眾嘅干擾作出反應；荷蘭創作團隊VENIVIDMULTIPLEX的互動單車燈光作品《Lightbattle X》，將邀請觀眾透過踩動單車踏板進行一場光影之戰；至於由香港創作團隊築夢ž社設計及首度展出的《蝠鼠吊金錢》，以香港押業招牌為靈感，帶嚟香港街道流光溢彩嘅一面，等觀眾充分感受香港特色。

《Talking Heads》

「幻彩詠香江」 提升匯演效果

被譽為世界最精采嘅燈光音樂匯演之一嘅「幻彩詠香江」更將提升匯演效果，參與匯演嘅大廈及地點將增加至44個，喺特定日子更會安排喺多幢大廈樓頂綻放煙火，照亮維港兩岸嘅冬日夜空。

「幻彩詠香江」冬日版 傳統與創新聖誕樹互相輝映

聖誕節又點少得聖誔樹呢！位於香港摩天輪旁嘅《魔方樹》係法國創作團隊1024 Architecture對傳統聖誕樹嘅全新演繹。高25米嘅《魔方樹》以發光嘅鋼架結構作為樹枝，配以巧妙擺放嘅燈光裝飾以及音樂，構成一場精彩嘅聖誕匯演。至於中環皇后像廣場嘅標誌性傳統聖誕樹，將繼續成為旅客熱切期待嘅景點，並與《魔方樹》共同營造濃厚嘅節日氣氛。

除咗「閃躍維港燈影節」嘅各項活動，香港仲有多個熱門景點舉行嘅一連串慶典、精采活動及主題遊，旅客來港歡度冬日假期定必更加難忘，更加賞心悅目！

「 閃躍維港燈影節 」 活動資料
主要項目 「國際燈光藝術展」
日期及時間 2018年11月29日至2019年2月24日
亮燈時間為下午5時至晚上11時
(2018年11月29日的亮燈時間為晚上7時45分至11時)
地點 中西區海濱長廊 (中環段)

「幻彩詠香江」
加強版將由2018年11月29日開始，每晚8時至8時10分
煙火於2018年11月29日、12月1、8、12、15、22及29日發放
最佳觀賞位置：尖沙咀海濱或登上觀光船

魔方樹 
日期及時間  2018年11月29日至2019年1月1日
亮燈時間為下午5時至晚上11時
(2018年11月29日的亮燈時間為晚上7時45分至11時)
地點 中環摩天輪旁邊

標誌性聖誕樹
日期 2018年11月29日至2019年1月1日
地點 中環皇后像廣場北

欲了解更多「閃躍維港燈影節 」 詳情，請瀏覽旅發局網頁︰
http://www.discoverhongkong.com/tc/see-do/events-festivals/highlight-events/pulse-light-festival.jsp