新鴻基地產旗下商場WTC世貿中心為咗同大家一齊慶祝聖誕節，特意推出咗「WTC世貿中心閃耀聖誕藝術王國」企劃。今次嘅計劃係同德國藝術家Wolfram Kampffmeyer合作炮製。當中加入咗各種創新好玩嘅科技與顧客進行互動，仲有一系列以幾何圖形塑造嘅聖誕鹿雕塑添呀！
奇感官互動花園以全息投影科技為主打，並以虛實並存作為賣點，入面利用咗3D影像，聲音，以及真實存在嘅雕塑打造錯覺，為大家送上多逹三十八種唔同嘅大自然景色。
藝術作品中利用咗水盆作為媒介，將季節變化以及聖誕馴鹿嘅故事投射喺水面嘅波紋當中。另外仲加入咗聖誕嘅經典飄雪效果，雀鳥暢遊天空，以及花瓣飛舞嘅景像，令顧客尤如身處歐陸花園，必定會成為熱門嘅打卡景點。
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
