話咁快就嚟到年尾啦！天氣越嚟越凍，亦都變到好乾燥，所以人體嘅水分亦都會蒸發得更加快。喺呢種天氣下就最啱飲返啲滋陰潤肺嘅湯水啦，所以小編就精選咗三款最啱喺秋冬飲嘅湯水，等你地可以滋潤一下。
#沙參百合潤肺湯
北沙參、百合同埋無花果都有養陰潤肺嘅作用，而豬瘦肉有營養之餘仲可以養陰，加埋可以化痰嘅陳皮就可以做到滋潤喉嚨嘅效果，啱哂咁乾燥嘅秋天。
#香菇燉雞湯
中醫認為雞肉有健脾養胃、溫中益氣嘅功效。而香菇就不溫不燥，不寒不涼，係男女老幼都啱食嘅補品，而且仲有長效潤膚嘅作用，可以話係一種天然美容食品。
#百合雪梨蓮藕湯
雪梨水份多，可以生津化痰。百合就具有良好嘅營養滋補功效，仲可以養心安神，以及潤肺止咳，而蓮藕就可以健胃開脾。煲出嚟嘅湯清香可口，更係具有清熱潤肺嘅功效。
Tags: Homita為食家
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
