放假去世界級溫泉鬆一鬆 台東朝日溫泉全球僅得三個

放假去世界級溫泉鬆一鬆台東朝日溫泉全球僅得三個

| by | 5 years ago

台東綠島嘅朝日溫泉係一個非常罕見嘅海底溫泉，全世界只有三個地方有海底溫泉—綠島、義大利北方與日本九州，係世界級嘅地質景觀。喺朝日溫泉夜晚可仰望浪漫嘅星空，朝早則可欣賞美好嘅海上日出，今個聖誕新年假去仲可以參與佢地一年一度嘅朝日跨年迎曙光嘅活動！喜歡浸溫泉又未諗好放假去邊玩嘅朋友仔，台東朝日溫泉可能係你嘅最佳之選。

朝日溫泉面向太平洋，因朝著日出方向而命名為朝日溫泉。朝日溫泉帶有海水嘅鹹味，屬於弱酸性硫磺泉。呢種硫磺溫泉對於慢性皮膚病、關節炎、神經痛有奇效，但因為泉水中嘅硫化氫氣體具有毒性同刺激性，唔適合皮膚有外傷、急性發炎疾病發作期間、慢性肝炎、腎臟病、冠狀動脈疾病嘅患者浸泡。

海底溫泉的形成

朝日溫泉水質透明，溫度約53度，湧出口嘅泉水可達90度，帶有海水嘅鹹味，屬於硫酸鹽氯化物泉。泉水來自於附近海域嘅海水或地下水滲入地底，經火山岩漿庫加熱後因壓力作用從潮間帶露出所形成，屬於火成岩區嘅溫泉。

溫泉設施

目前溫泉區有五座露天梯田景觀溫泉池，面積約16000平方呎，有熱水同溫水池兩種，供男女混合浸泡，須穿著泳衣、泳帽先可入池，可容納300-400名遊客；室內溫泉池SPA水療設施，屋頂有採光罩，四周壁面以落地玻璃建構，視野開闊可眺望戶外美景。另設有完善的觀景步道、觀海涼亭、洗手間以及小賣部等，極為便利。