喜茶成日都推陳出新，每一季都會以應節食材創造新食譜，今個冬天喜茶就推出養生新品紫米芋泥系列，對愛紫米嘅小編黎講簡直係福音啊！
由於網上對今次新品嘅評論意見不一，所以小編我一開始都幾忐忑不安，估唔到試咗都幾好飲！
第一杯係芋泥紫米茶，小編飲嘅係全甜熱飲，入面有綿密芋泥同軟糯紫米，真係好好飲！比紫米露嘅口感豐富，芋泥綿綿密密，係冬日暖心嘅首選！
第二杯係新升級嘅「芋泥波波茶2.0」，我地點咗全甜凍飲，今次特別加入嚼得到的大芋頭顆粒，口口都有芋頭同珍珠嘅滋味！不過小編本身就唔太好波波茶，覺得呢個真係麻麻地，不過因為佢嘅芋頭，比布蕾波波茶略勝一籌。
今次好驚喜地見到佢地拎咗聖誕杯套，係冬天飲更有節日氣氛，仲唔怕凍親雙手添！
Tags: 紅蜜遊樂團
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
