2018年嚟到尾聲，相信大家喺今年都睇咗唔少精彩嘅劇集。迎接新一年，HBO頻道都推出咗幾部新劇，喜愛懸疑犯罪劇集嘅你絕對唔可以錯過！

《刑警雙雄》第三季
逢周一早上10時透過HBO頻道（Now TV 115台）與美國同步獨家首播，並於同日晚上10時重播
第三季講述一宗發生喺Ozarks嘅駭人罪案，一件懸疑事件以三段時期分開刻畫，經過數十年後變得更加撲朔迷離。
本原創片集由著名編劇Nic Pizzolatto（《絕地7騎士》、《Galveston》）操刀打造，由奧斯卡得主Mahershala Ali（《月光喜歡藍》、《The 4400》）飾演美國南部阿肯色州嘅警探Wayne Hayes。其他主演者亦包括Carmen Ejogo（《馬丁路德金–夢想之路》、《國定殺戮日：全民瘋殺》）和Stephen Dorff（《The Power of One》、《Backbeat》）。

《12壯士》
1月12日（六）晚上9時透過HBO頻道（Now TV 115台）首播
HBO頻道將作英語／粵語雙語廣播
《12壯士》嘅故事主要圍繞一隊美國特種部隊。911事件發生後，美國上下陷入沉痛氛圍，新任上尉Mitch Nelson喺呢個時刻接到命令，要帶領特種部隊成員率先前往阿富汗執行極度危險嘅任務。為咗取得成功，佢地必須與阿富汗騎兵合作，不但要克服互相猜忌及文化差異嘅情況，仲要放低先進嘅武器配備，採用騎兵嘅原始戰術先可以突圍而出。

本片由Chris Hemsworth（《雷神》系列、《捉鬼敢死隊》） 飾演上尉Mitch Nelson，其他主演者仲包括獲奧斯卡®提名的Michael Shannon（《忘形水》、《華氏451度》）及Michael Pena（《蟻俠2：黃蜂女現身》、《孖必拍住喪》）。

《BRAVEN》
1月19日（六）晚上9時透過HBO頻道（Now TV 115台）首播
HBO頻道將作英語／粵語雙語廣播
居住喺美加接壤邊境一處僻靜深山嘅伐木工人 Joe Braven 遇上一群兇惡毒販，對方將海洛英藏匿喺佢嘅木屋中。爲咗保護家人，佢只可以盡自己最大努力反抗到底。毒販唔知道嘅係，眼前謙虛隨和嘅男子竟擁有嗜殺嘅一面，爲咗所愛嘅家人展現出意想不到嘅反擊力。
本片由Jason Momoa（《權力遊戲》、《水行俠》）飾演主角 Joe Braven。

《黑暗對峙》
1月5日（六）晚上9時透過HBO頻道（Now TV 115台）首播
HBO頻道將作英語／粵語雙語廣播
二次世界大戰初期，法國淪陷迫在眉睫，英國同樣面臨侵略威脅，進入最黑暗嘅時刻。當納粹德軍望落勢不可擋，盟軍又喺敦克爾克港走投無路，成個西歐嘅命運就掌握喺新任英國首相邱吉爾手上，靠他一人運籌帷幄。《黑暗對峙》將會喺1940年邱吉爾上任後四星期嘅故事搬上銀幕，展示佢點樣憑藉個人膽識改變世界歷史嘅進程。故事過程充滿戲劇性，鼓舞人心。

呢部奧斯卡得獎電影由獲金球獎提名嘅著名導演Joe Wright （《傲慢與偏見》、《愛．誘．罪》）執導，並由奧斯卡最佳男主角Gary Oldman（《哈利波特》系列、《蝙蝠俠—黑夜之神》三部曲）飾演英國首相邱吉爾。其他主演者包括Lily James（《媽媽咪呀！開心再嚟》、《仙履奇緣》）及獲奧斯卡提名的Kristin Scott（《別問我是誰》、《四個婚禮一個葬禮》）。

《英國佬來了》
1月11日（五）晚上10時透過HBO CINEMAX頻道（Now TV 113台）首播
英國珠寶騙徒夫妻檔Harriet Fox 及Peter Fox喺一場大型賭博中欠下巨債，被兇殘嘅幫派份子追捕。飲酒成癮嘅Peter孤注一擲，帶住Harriet逃往洛杉磯躲藏，更打算喺前妻身上偷取戒指，填補欠款。

本片由金球獎得主及獲奧斯卡提名嘅Uma Thurman（《危險人物》、《標殺令》全集） 飾演Harriet Fox，並由獲奧斯卡提名嘅Tim Roth（《落水狗》、《Lie to Me》） 飾演Peter Fox。