麗新橫琴創新方嘅重點娛樂體驗項目獅門娛樂天地TM將會喺2019年隆重開幕，以深受歡迎嘅荷里活鉅製電影為題，推出一系列沉浸式娛樂體驗。獅門娛樂天地TM作為亞洲首座電影主題室內互動體驗場館，透過與國際級夥伴合作、創新嘅設計及沉浸式嘅娛樂體驗，為大灣區嘅賓客帶嚟驚喜。　

獅門娛樂天地TM為香港麗新集團投資嘅橫琴綜合旅遊娛樂項目 — 麗新橫琴創新方嘅重點內容之一，室內空間佔地廣達22,000平方米。嚟自美國嘅獅門影業自1997年成立以嚟一直提供世界頂尖嘅產品，所製作嘅電影更曾奪得20個奧斯卡獎項及29個艾美獎，成績斐然。

獅門影業特意以六部風靡全球嘅系列電影作為場內設施嘅背景故事，包括《飢餓遊戲》、《吸血新世紀》（又譯：暮光之城）、《埃及神戰》（又譯：神戰：權力之眼）、《分歧者》、《非常盜》（又譯：驚天魔盜團）和《逃亡大計》（又譯：金蟬脫殼），致力喺旗下首座亞洲室內體驗場館呈現一流娛樂享受。
 

為咗將引人入勝嘅故事化為實景，活現喺賓客眼前，獅門娛樂天地TM匯聚咗唔同精英夥伴共同合作，當中包括享譽國際嘅設計及製作公司思客未來以及世界知名嘅營運商澳洲威秀主題公園有限公司。其他共同打造獅門娛樂天地TM嘅著名國際合作夥伴，還有澳洲建築公司科克雷蒙、國際表演項目承包商Scenario、奧斯卡得獎視覺效果製作公司Framestore和其他蜚聲國際的公司。

獅門娛樂天地TM總經理馬琳娜表示獅門娛樂天地TM係一個多元娛樂體驗目的地，帶領並吸引賓客全程投入以電影故事為主軸嘅環境及體驗，更為年輕賓客提供個人化社交娛樂選擇。本場館通過與國際夥伴緊密合作，打造以六部電影鉅獻為主題嘅沉浸式娛樂體驗，必能吸引賓客與親友一同嚟到麗新橫琴創新方，一嘗刺激感官嘅互動體驗，共度一個輕鬆嘅周末或假期。

喺獅門娛樂天地TM嘅眾多娛樂設施中，首先不可錯過全球首座以虛擬實境（VR）技術為本而設計嘅過山車「神戰：權力之眼–永恆之戰」。運用創新技術及互動遊戲設置，賓客將會乘坐快車，飛越金字塔及沙漠沙丘，協助埃及太陽神荷魯斯打敗邪惡嘅沙漠之神塞特，與古埃及神靈以及巨蟒一起體驗驚險刺激之旅。喺呢場經典正邪大戰中，賓客將要證明其勇氣、力量及忠誠，伴隨埃及之神一起戰鬥！

對於廣大《飢餓遊戲》電影粉絲嚟講，最期待嘅莫過喺「飢餓遊戲–極速追擊」。賓客需佩戴3D防爆護目鏡，展開驚險恐怖嘅冒險之旅，盡最後嘅努力逃出都城。「飢餓遊戲–極速追擊」係亞洲區首個喺同一體驗中模擬兩種不同駕乘體驗嘅遊樂設施，賓客分別喺陸上多功能戰車及垂直起降戰鬥機嘅模擬運動中體驗血脈賁張嘅歷險故事。

一眾《吸血新世紀》嘅愛好者就可以喺「暮光之城–午夜追逐」中，與狼人主角及同行朋友一同經歷刺激嘅虛擬泥地電單車冒險，穿梭森林。「暮光之城–午夜追逐」係亞洲區內獨一無二嘅多人互動VR體驗，戴上VR「頭盔」，玩家可自由控制其電單車，並與其他玩家喺虛擬世界進行互動，體驗一趟個人化嘅旅程。

精彩刺激嘅仲有「分歧者–膽量VR體驗」。穿上VR設備嘅賓客會化身電影中「無畏派」嘅一員，喺反烏托邦場景面對一連串膽量挑戰，測試佢地嘅「無畏」精神。穿梭喺危機四伏嘅通道中，一嘗膽顫心驚嘅刺激，喺VR迷宮面對心底恐懼，測試勇氣與意志力。

獅門娛樂天地TM利用先進的科技提供前所未見嘅娛樂體驗，帶領賓客進入電影嘅奇幻世界，創造屬於自己嘅精彩故事。入場賓客除可暢玩多個世界級互動娛樂設施，還可享受獅門娛樂天地TM提供嘅其他主題設施及餐飲購物服務，全方位感受沉浸式體驗。

主題式餐飲體驗包括喺以《飢餓遊戲》都城為主題嘅豪華「國會宴會廳」中享受美饌，喺「天眼魔界」酒吧嘅奇幻環境中暢飲一番；喺「皮塔烘培坊」享用糕點及咖啡，或者喺現代時尚嘅「獅門咖啡館」休憩，亦可以喺還原《非常盜》場景中嘅澳門夜市裡一邊閒逛一邊品嚐正宗蛋撻。

喺獅門娛樂天地TM，每位賓客都係故事主角，因此無論係喜愛購物或換裝嘅賓客均可滿載而歸。「國會換裝室」提供一站式華麗換裝服務，等賓客可以好似《飢餓遊戲》中嘅角色一樣為自己打造極具魅力嘅時尚形象，或者喺《分歧者》專區嘅「無畏派紋身館」選擇自己喜愛嘅紋身圖案，甚至可以喺「埃及市鎮」發揮創意設計自己嘅珠寶首飾。

作為亞洲首座電影主題室內互動體驗場館，獅門娛樂天地TM逾30項別具開創性、令人期待嘅遊樂設施，利用頂尖科技為賓客帶嚟前所未有嘅沉浸式娛樂體驗，等賓客擔任英雄主角，開創屬於自己嘅精彩故事。