溫馨浪漫嘅聖誕係戀人互贈甜蜜心意嘅時刻，而情侶對錶絕對係意義非凡嘅首選，瑞士天梭表誠意推薦三款情侶腕錶系列包括高貴優雅嘅Lady Heart Flower 80小時動力儲存女裝自動腕錶與Open Heart男裝腕錶、經典時尚嘅Chemin des Tourelles藍系腕錶，以及華麗精緻嘅Le Locle Automatic Powermatic 80自動腕錶。

瑞士天梭表更請嚟三對圈中模範情侶及夫妻，包括會喺今年聖誕前夕舉行婚禮嘅Elanne江若琳及Oscar蕭潤邦、相戀22年仍恩愛如昔嘅豹哥豹嫂單立文及胡蓓蔚、以及經常大曬恩愛嘅Hana譚杏藍與恆仔趙善恆，分享佢地嘅甜蜜點滴之餘，更大談佢地嘅腕錶故事。

江若琳蕭潤邦婚禮以聖誕為主題 三米高聖誕樹下共許浪漫盟誓

相識十載，由朋友變為戀人，更將喺今年拉埋天窗嘅Elanne江若琳及Oscar蕭潤邦坦言相當重視聖誕節，唔單只揀喺聖經前夕舉行婚禮，而婚禮仲會以聖誕為主題，到時會場會有3米高嘅聖誕樹及閃爍嘅燈飾點綴，營造夢幻浪漫氣氛。講到聖誕禮物，兩人不約而同地表示希望為對方送上腕錶。

Elanne認為腕錶對男士嚟講係象徵責任感：「佢係一個非常守時同有時間觀念嘅人，加上我認為工作時佩戴手錶嘅男士散發著與別不同嘅魅力。」而Oscar就取笑Elaine需要腕錶嘅幫助先學識守時，因為對方成日都低估咗每件事情實際要花費嘅時間，所以成日都會遲到。

而被問到聖誕願望，Oscar表示希望二人能夠共同度過以後每個聖誕節：「因為工作關係，我地好多時會分隔兩地，特別係聖誕節呢類節日，所以我嘅願望係以後嘅每個聖誕節都可以同佢一齊過。」Elanne喺旁邊甜笑直言：「我地希望趁豬年生個精靈可愛嘅豬仔或豬女！」

而靈感嚟自現代女性果份自信美麗嘅瑞士天梭表Lady Heart Flower 80小時動力儲存女裝自動腕錶可以話係為準新娘Elanne而設，腕錶喺12點位置有一扇精緻嘅縷空花形視窗，隨住時間流動展現不同色彩，能展現出佢待嫁嘅動人神采；而男裝腕錶Open Heart與Lady Heart Flower有異曲同工之妙，係Oscar用以配襯Elanne嘅必備之選。

豹哥豹嫂結婚十週年 恩愛如初 全靠珍惜

娛樂圈中公認嘅模範夫妻豹哥單立文及豹嫂胡蓓蔚Paisley相戀22年，被問到最浪漫嘅時刻，豹哥認為每個時刻都浪漫：「平淡亦係一種浪漫嘅幸福，我地明白世事無常，非常感恩能遇上對方，時刻有對方陪伴喺身邊，所以我地極為珍惜二人嘅相處時間。」談到最難忘嘅聖誕，Paisley表示上年係二人結婚以嚟第一個共同渡過嘅聖誕：「過往嘅聖誕均喺工作中渡過，上年係第一年一同過聖誕，碰巧一班胡說八道會嘅好姊妹亦唔洗工作，就喺我地屋企開聖誕派對，非常開心難忘！」

二人更表示隨住年紀嘅增長，對時間嘅重視程度亦有所提升，成日都覺得時間不夠用，而Paisley更表示腕錶係佢嘅必備品：「我個性較為心急，成日都要查看時間，以作出準確嘅安排，所以腕錶對我嚟講極為重要。」

被問到新一年嘅目標，豹哥坦言除咗要好好慶祝60歲生辰外，更希望預留多啲時間喺音樂上，但亦會行繼續「活在當下」嘅宗旨，好好享受生活；而Paisley就表示非常滿足喺現階段所擁有嘅一切，希望可以延續下去，做自己喜愛嘅事。瑞士天梭表Chemin des Tourelles藍系腕錶可以話係佢地嘅不二之選，拱形藍寶石玻璃錶鏡好似星空咁神秘而璀璨，就好似佢地嘅相處般浪漫動人。

譚杏藍與趙善恆互相扶持   陪伴並見證對方成長

相戀6年嘅Hana譚杏藍及恆仔趙善恆識於微時，多年嚟相處溫馨舒服，簡單窩心，被問到最甜蜜嘅時刻，Hana坦言二人喺家中嘅相處令佢覺得最甜蜜浪漫：「唔需要任何驚心動魄嘅情節，我地喺家中最自然嘅日常相處正正就係我最珍惜嘅時光。」被追問婚期時，正處於事業衝刺期嘅二人表示雖未有結婚計劃，但認為兩人嘅感情非常穩定成熟，並唔需要一紙婚書嘅肯定。

而談到聖誕願望，一向愛鍚Hana嘅恆仔最希望佢嘅演唱會能夠大成功，可以話係事事都以女友為重，非常細心。而Hana亦好有心思咁表示會購買腕錶俾習慣用電子錶嘅男友：「佢一向佩戴款式比較年輕嘅腕錶，但近年佢開始變得成熟，能夠駕馭精鋼錶嘅款式，所以我正打算購買瑞士天梭表Le Locle Automatic Powermatic 80自動腕錶俾佢，呢個系列設計型格簡約，備有80小時動力儲存，可省略不少時間重新調較腕錶，最適合現階段全力為事業衝刺嘅佢。」

而曾一度抗拒情侶飾物嘅恆仔喺Hana嘅影響下亦開始愛上情侶款式：「佢精於情侶穿搭嘅配襯，令感覺老套嘅情侶裝變得時尚，令我不知不覺愛上情侶裝，我當然亦會購買同款女裝腕錶送俾佢！」