兩款香氛完美反映咗 Bottega Veneta 千錘百鍊嘅精緻、個性、神秘感及低調自信，盡顯 Bottega Veneta 嘅美學意蘊。兩款香氛瓶嘅設計，取材自威尼斯玻璃工藝與意大利傳統 carafe 玻璃瓶，喺簡潔有力嘅線條及柔和圓潤嘅曲線中取得平衡，配以經過噴砂處理嘅 intrecciato 編織格紋底部，俾果啲標誌性嘅香氛，與 Bottega Veneta 著名嘅皮具一樣，散發永恆嘅優雅氣質。
BOTTEGA VENETA L’ABSOLU 誕生
今年秋季，Bottega Veneta 將會推出一瓶精緻非凡嘅全新香氛 L'Absolu eau de parfum，為品牌第一枝 eau de parfum 所呈現嘅經典皮革柑苔調，帶嚟更為馥郁嘅詮釋。呢個與別不同嘅全新演繹，繼續展示 Bottega Veneta 香氛採用最頂級嘅天然原料製成嘅優良傳統。
溫暖而繚繞嘅全新配方，由調香大師 Michel Almairac 與 Bottega Veneta 攜手創作，香氣透著熟悉嘅皮革調，再以茉莉精油及 ambroxan（龍涎呋喃）加強感性魅力。Ambroxan 係一種多重面貌嘅成分，味道酷似天然龍涎香，為香氛嘅最終結構加添新嘅深度。呢啲花香皮革柑苔調結合後，交織出一股帶有麝香、木香及琥珀調嘅香氣。喺 Bottega Veneta 一眾香氛之中，L'Absolu 格外突出，瀰漫住深邃嫵媚嘅幽香。
標誌性香氛瓶升級版
L'Absolu 香氛瓶呈漸變紫檀色調，瓶身延續所有Bottega Veneta標誌性香氛以經典威尼斯玻璃藝術為靈感嘅設計，但比原來嘅經典瓶子更加精巧。瓶身頂部較深嘅色調，代表香氛配方更馥郁嘅香氣，而底部較淺、較明亮嘅色調，就俾品牌嘅經典 intrecciato 編織格紋顯得更明亮閃耀。瓶頸纏住紫玫瑰紅色嘅真皮絲帶，並綴上一枚金色蝴蝶夾扣。
產品系列
Bottega Veneta L'Absolu淡香精噴霧50毫升 港幣1,050
