各地神話故事、文學同埋藝術創作，都會出現神獸嘅身影。雖然唔少記載只令我地見到鳳毛麟角，但故事千奇百怪所以引人入勝。我地追尋神獸嘅蹤跡，可以見到唔同族群古老嘅禮俗、社會文化以及政治面貌。

古人取材生活中飛禽走獸嘅形態特徵，再加上豐富嘅想像力創作出各種神獸。為人間帶來好兆頭嘅神獸又稱為「瑞獸」，例如﹕麒麟送子，形近龜蛇合體嘅玄武帶嚟長壽，以及可招八方財富嘅聚寶神獸－－貔貅。呢三種瑞獸寓意添丁、增壽同埋招財。仲有鳳凰與獬豸：國有仁德之主，先會「有鳳來儀」，國泰民安；能夠明辨是非嘅獬豸會吞下奸臣，為國家除奸存義。呢啲神獸故事寄托咗人們對美好生活嘅願望，賞善罰惡嘅期盼。

時至今日，天馬行空嘅神獸世界依然使人著迷。今年，時代廣場為大家帶嚟多國文化Crossover，為大家呈獻 「新年與瑞獸同遊」展覽，邀請咗兩位韓國藝術家權河允及晉始瑩以媒體藝術創作8款古代瑞獸，包括龍、鳳、麒麟、玄武、瑞獅、貔貅、白虎及獬豸，並透過巨型LED幕牆將奇幻異境呈現大家眼前。

今次展覽特別邀請咗香港書法大師華戈為藝術家們創作嘅瑞獸題字，並邀請咗美國 Dog & Pony設計「黃金年華」場景，等大家穿越黃金花海與瑞獸同遊。地面嘅半浮雕神獸及二樓中庭嘅巨型立體旋轉木馬式神獸模型係按照香港插畫家林榮傑 (筆名009)創作嘅瑞獸形象製成咖。

時代廣場期望今次展覽，可以帶俾大家豐富嘅想像以及藝術之旅，仲有吉祥與幸福嘅祝願。

新年與瑞獸同遊
時間：10am-10pm
日期：2019年1月17日至2月24日
地點：香港銅鑼灣時代廣場
時代廣場
電話：(+852) 2118 8900