Netflix 2019年第一套重頭劇 — 首部韓國自製原創活屍驚悚劇《李屍朝鮮》（Kingdom），今日發布長 1 分鐘、全無冷場嘅「飢餓版」預告：首 5 秒嘅一場開棺揭蓋畫面，驚見血腥死屍，揭開驚慄序幕！接落嚟，更出現屍體復活、喪屍群起攻擊活人、追逐、啃食、火燒人、虎毒吃兒等恐怖畫面！
《李屍朝鮮》以 15、16 世紀嘅朝鮮王朝為故事背景，喺一個衰落嘅國度，朝中貪腐、人民饑荒，加上瘟疫爆發，演變成飢餓無助嘅百姓及如饕餮般永不厭足嘅喪屍展開生存大戰！此劇幕後推手《Signal》編劇金銀姬以「飢餓」、「渴望」為主軸，發展出驚世駭俗嘅《李屍朝鮮》，男主角朱智勛亦喺訪談中表示：「喪屍當然可怕，但人性嘅飢渴及無止境嘅慾望更可怕！」片中嘅大反派柳承龍更強調自己嘅角色「係一個非常渴望權力嘅人。」
《李屍朝鮮》預告一曝光，面對軍臨城下嘅大量喪屍，網友均大讚：「只係睇預告就見喪屍大軍壓境，真係太刺激啦！」亦有網友話：「《李屍朝鮮》喪屍出籠，就好似《屍殺列車》場景搬至 16 世紀，再加上朝鮮王朝中嘅波譎雲詭及權力鬥爭，真係唔知道喪屍食人恐怖，定係人性可怕！」
由《隧道》導演金成勳與韓國超人氣編劇金銀姬聯手合作嘅《李屍朝鮮》，集結當紅影星朱智勛、柳承龍及裴斗娜領銜主演；為最逼真地呈現出設定喺 16 世紀嘅朝鮮王朝，劇組精心打造 1:1 嘅仿古建築實景，大至華麗宮廷、鄉野村落，小至陰森地窖，詭譎嘅古風場景令恐怖喪屍來襲嘅驚悚感大幅提升。眼見過百名喪屍由四面八方湧現，甚至仲可以堆疊往上攀爬，將躲在高處嘅村民生吞活吃，而裴斗娜崩潰大喊：「人點解要吃人？」更令所有影迷毛骨悚然，也為《李屍朝鮮》帶出驚悚懸念！
裴斗娜飾演嘅醫女最後點樣逃出生天？萬勿錯過 1 月 25 日 Netflix 獨家上映嘅《李屍朝鮮》：netflix.com/Kingdom
