嚟自美國嘅經典電視節目《芝麻街》一直深受全球觀眾歡迎，粉絲遍佈超過150個國家。今個農曆新年，正值《芝麻街》50周年，恒隆地產旗下兩大區域嘅旗艦商場：銅鑼灣Fashion Walk以及旺角雅蘭中心、荷李活商業中心及家樂坊，喺2019年1月10日至2月19日期間，以Fortune Walk「芝麻開運『型』新春」為主題，將《芝麻街》全球首度發布嘅50周年最新風格指南，融入傳統新年節慶佈置及禮品當中。

當中最受歡迎嘅8位《芝麻街》明星Elmo、Cookie Monster、Big Bird、Bert、Ernie、Abby Cadabby、Grover及Oscar The Grouch分別坐陣銅鑼灣及旺角與市民拜年，更舉辦本港有史以來最大型、雲集最多《芝麻街》明星嘅新春巡遊，更有期間限定店以及Pop-up Café 等，與城中潮人一同「型」接新春。

為慶祝50周年呢個大日子，《芝麻街》不但特別創作出全新風格，更配合Big Bird、Elmo及Cookie Monster嘅各種鮮豔色彩，將恒隆地產旗下Fashion Walk、雅蘭中心、荷李活商業中心及家樂坊變身成「型」春接福行大運巨型棋盤。超巨型棋盤遊戲空降銅鑼灣Fashion Walk百德新街、食街以及旺角雅蘭中心、荷李活商業中心及家樂坊，喺隨心玩樂嘅同時，每步為你送上驚喜購物禮遇！《芝麻街》經典明星以各種玩味造型躲藏喺Fashion Walk及旺角嘅每個角落，等候你光臨！

全新風格元素融入幸運風車  Fashion Walk首度展出《芝麻街》50個有趣冷知識

親臨銅鑼灣Fashion Walk中庭，轉過色彩繽紛嘅巨型風車，展開幸福新一年！回頭發現巨型Elmo喺一樓正好奇心滿滿咁俯視，即刻同紅噹噹嘅佢來張合照，寓意「紅」運當頭！同時，《芝麻街》中人見人愛嘅孖寶Bert & Ernie將手持開運揮春及小豬存錢筒喺百德新街恭候，祝福各潮流達人新一年盤滿缽滿。嗜曲奇如命嘅Cookie Monster 喺食街準備咗巨型開運曲奇，祝願香港市民食得是福，添上不一樣嘅「芝」味祝福。

流行全球50年，家傳戶曉嘅《芝麻街》打動無數男女老幼嘅心，喺Fashion Walk Kingston地下舉行首個「《芝麻街》50個有趣冷知識」展覽，同大家分享50個有關《芝麻街》角色以及節目嘅趣聞同埋不為人知嘅冷知識及珍貴圖片，粉絲萬勿錯過！

Fashion Walk 更獨家呈獻The Artist House新春限定版比利時手工啤套裝，聯乘本地文字藝術創作人練黑龍，創作出多款鬼馬新年祝福語，以其標誌性書法為手工啤添上型格，送禮自用兩雙宣。

《芝麻街》經典黃巴士駛入旺角     Big Bird及Grover家樂坊有「樂」！

旺角「家樂坊」將首度成為《芝麻街》經典黃巴士嘅新年限定總站﹐邀請香港市民與充滿歡樂嘅黃巴士及擁有超能力嘅Grover一同合照，來年定必人見人愛，車見車載，旺到飛起。於1月18日起更設期間限定店，多款《芝麻街》50周年限定商品首次亮相，定能令你滿載而歸！

顧客亦可以喺黃巴士內換領《芝麻街》限量版揮春及開運風車乙個，自行印上獨一無二嘅新年潮語，將祝福轉贈好友。同時，旺角亦將重現芝麻街嘅經典場景，不同角落嘅佈置都洋溢着濃濃嘅新年氣氛，1：1高嘅Big Bird 與市民一同許下新年願望，拍照打卡，留下美好回憶。

同時，《芝麻街》亦與本地型格咖啡店「辦館」喺雅蘭中心打造首間「芝麻開運Pop-up Café 」，以《芝麻街》50周年最新畫風為設計主題，推出多款以《芝麻街》角色創作出嘅期間限定美食及飲品，包括Elmo士多啤梨芝士奶蓋特飲、 Big Bird菠蘿芝士奶蓋特飲、Cookie Monster芝麻拿鐵、Cookie Monster 香脆芝麻餅及楓糖班戟。

芝麻開運「型」新春  銅鑼灣、旺角巨型棋盤遊戲送出超過10萬港元巨獎

新春行大運，寓意新一年好運齊來！到銅鑼灣時尚地標Fashion Walk以及 旺角雅蘭中心、荷李活商業中心及家樂坊通過特設網站參加《芝麻街》芝麻開運「型」新春巨型棋盤遊戲，喺www.fortunewalk.com.hk 登記並獲取迎新禮遇，再跟隨網站指示回答簡單問題，喺棋盤上前進以贏得獎品兼行大運，另設有特別獎賞予介紹最多朋友參與遊戲嘅玩家。玩得愈多，獎賞愈多！

《芝麻街》50周年限量別注版精品換領

新年點可以無一個漂亮搶眼又實用嘅利是封以及一系列獨家推出嘅新春精品？ Fashion Walk以及雅蘭中心、荷李活商業中心及家樂坊帶嚟多款「芝麻街」新春限定精品，包括：揮春、利是封、便條紙、雨傘、遊戲棋套裝、以及行李帶等，均融入《芝麻街》50周年風格設計，極具收藏價值。

《芝麻街》明星時尚賀年服裝首度曝光  歷年最齊人巡遊香港上演
今個新春，一眾《芝麻街》明星Elmo、Cookie Monster、Bert、Ernie及Abby Cadabby 不但齊集銅鑼灣及旺角，更會着上由香港本地設計師林春菊 (Janko) 設計嘅賀歲服裝一同向市民拜年。善長旗袍設計嘅Janko首次挑戰男裝，選用牛仔布料為《芝麻街》明星製作長衫和旗袍，配合色彩繽「FUN」嘅Pop Art 塗鴉及潑墨，以本地裁縫師傅一針一線全人手功藝，展現出現代時尚風格，令人眼前一亮。

五位《芝麻街》明星除咗會着上由Janko操刀度身訂製嘅新裝外，仲會連同香港首隊衝出香港打入國際嘅全女班鼓樂團 - 雅典娜香港女子鼓樂團，喺1月10日上演新春巡遊，配合強勁音樂節拍，獻上聲色藝俱全嘅震撼表演，以鏗鏘嘅鼓樂聲預報吉祥。