米芝蓮指南香港澳門 2019 已經於 12 月 11 日公布，榜上有名嘅星級餐廳大多早已成為城中著名嘅高級食府，近日再加上米芝蓮嘅加持，相信近來位置難求之餘，且價錢亦未必係一般人可以接受。

其實香港不時有外國米芝蓮星級大廚來港客串，其中包括獲得位於 D2 Place Si Simply Italian 邀請，嚟自意大利米芝蓮一星餐廳 Il Cantinone 的 Chef Stefano Masanti。今次將會係 Chef Stefano 第三次親臨香港與 Si Simply Italian 合作，並將於 2019 年 1 月 17 日至 22 日期間限定推出價格親民嘅5 道菜晚市套餐。

今次 Chef Stefano 合作將分為兩部份，第一部份係將於 1 月 17 日至 20 日所供應由 Chef Stefano 親自設計並以「冬季」為主題嘅指定 5 道菜晚市套餐，當中菜式所用嘅亞枝竹及南瓜都係意大利冬季嘅時令食材，Chef Stefano 將為香港帶嚟身心溫暖意大利料理；第二部份會係與以上套餐完全不同嘅驚喜，Chef Stefano 將會喺 1 月 21 日及 22 日早上親身到訪本地街市選購最新鮮嘅本地食材製作即興晚市套餐，喺此兩天惠顧嘅顧客將可親身感受米芝蓮大廚臨場應變嘅豐富經驗及高超嘅煮食技巧及知識。

來自意大利嘅 Valtellina 葡萄酒生產商 Nobili vini 繼 2018 年一月之後再次與 Si Simply Italian 及 Chef Stefano 合作為今次晚市套餐推出 Wine Pairing，只要加 HK$198*就能品嚐 Nobili vini 旗下包括 Sassella、Inferno 及 Sforzato 等多款高質素嘅紅酒。過去合作活動更曾經將所有紅酒售罄，可證明其品質及性價比之高。

Chef Stefano Masanti 「冬季」主題指定 5 道菜晚市套餐(1 月 17 至 20 日供應)

前菜: 煙熏牛肉他他配食用花及醃菜
Paring: SASSELLA NOBILI DOCG 2015
用牛里脊肉做嘅牛肉他他，用木屑熏制牛肉製成煙熏味，配上大豆蛋黃醬，食用花及腌制蔬菜，如甘荀，抱子甘藍，白玉茹，水蘿蔔。

意大利麵: 三色意大利粉糰配塔雷吉歐芝士及烘焙杏仁
Paring: SASSELLA NOBILI DOCG 2015
白色、黃色及紅色嘅三色意大利粉糰，以牛油及水煮熟，配上 Taleggio 芝士奶油醬，鮮奶油嘅味道配上鋪喺上面嘅烤焦杏仁，氣味芳香，口感順滑。

魚: 鱈魚配亞枝竹及洋蔥可可油
Paring: INFERNO NOBILI DOCG 2013
將鱈魚調味後烤香，配耶路撒冷亞枝竹醬，亞枝竹脆片及以可可豆及烤洋蔥製成嘅洋蔥可可油。

肉: 羊柳配金橘忌廉及南瓜
Paring: SFORZATO DI VALTELLINA MONTESCALE DOCG 2012
用香草及大蒜調味羊柳，以 62 度慢煮 45 分鐘後再煎香，配上金橘忌廉，羊肉醬及南瓜泥，腌南瓜、南瓜子及南瓜油。

甜品: 草莓提拉米蘇
Paring: MOSCATO D'ASTI F.LLI GRASSO
以手指餅加上咖啡、草莓醬及意大利軟芝士制成嘅意大利經典甜品，配上可可粉及新鮮野莓。
米芝蓮星級一星名廚 Stefano Masanti x Si Simply Italian 5 道菜晚市套餐(1 月 17 至 20 日)每位價錢為HK$528*；本地食材 5 道菜晚市套餐 HK$548*(1 月 21 日及 22 日)，如需配以 Wine Tasting 需加 HK$198*。
*所有價錢需加 10%服務費