今個農曆新年，迎海薈、逸峯廣場、翔龍灣廣場及港灣豪庭廣場將於1月11日至2月19日期間聯同可愛插畫卡通「熊貓日和」家族攜手打造「為食熊貓賀新禧」賀年裝置，以寓意「十全十美」的攢盒為題，設置多個別具特色嘅賀年場景。

當中更邀得由香港收藏家蔣靄玲女士創辦，旨在弘揚中國傳統文化嘅非牟利組織—「承真樓」中國文化研究中心合作，分別喺港灣豪庭廣場及逸峯廣場展出三十多件清朝攢盒及茶具，部分展品更逾三百年歷史，帶領大家走進時光隧道，認識及傳承中國傳統文化之餘亦可於場景拍照！喜歡賀年食品嘅大小朋友定必歡喜！

當中港灣豪庭廣場特別打造逾9呎高嘅「熊貓日和」大宅，日和父母更舞動獅頭，祝大家闔家歡樂；逸峯廣場就有巨型攢盒及利是封場景，大家可走進當中打卡，新一年定必好運連年；而翔龍灣廣場有兩個巨型攢盒供一家大小拍攝賀年照，化身攢盒一份子，寓意大家來年賺到盤滿缽滿；大家亦可以到迎海薈嘅如意吉祥椅上拍照，喺草地上放鬆一番，享受別樹一幟嘅新年美景！ 

想添運添福，更上一層樓？記得挑戰場內設置嘅「如意吉祥夾夾樂」攤位遊戲，有機會贏取「如意吉祥」公仔，來年定必吉星高照！而農曆又怎少得步步高陞嘅賀年糕點！凡於推廣期內喺場內消費滿指定金額，更可換領賀年糕點券乙張！指定日子更有醒獅表演及人見人愛嘅財神爺現身與大家見面合照，大派招財糖果，共慶新春。

港灣豪庭廣場「醒獅獻瑞慶新春」 清代攢盒承載百年中華文化

新春唔少得醒獅獻瑞，趣緻嘅熊貓爸爸及熊貓媽媽已經喺逾9呎高嘅「熊貓日和」大宅前準備好精彩刺激嘅表演，為大家討個好兆頭，獻上吉祥、富足與平安！大宅旁仲會展出由「承真樓」借出嘅多個清朝攢盒，部份更逾三百年歷史，每個攢盒都代表住唔同嘅文化故事，透過不同細緻木刻送上寄語祝福。

當中最為特別的定必係由木胎製成嘅葵花式攢盒，外施黑漆，以描金繪製山水畫，材質非常講究。每片「扇形」花瓣旁均寫上詩句及繪有花卉圖案，突顯出清朝中後期嘅濃厚文藝氣息，反映出使用者唔止具備藝術審美，更有濃厚嘅文化氣息。另一攢盒「九子盒」亦極具觀賞價值，八個「扇形」小盒環繞着中間一個圓盒攢在一起，將唔同種類嘅糖果分格置中，希望大家食完呢啲甜食後，來年嚐到甜頭，代表吉利之意。

此外，想喺呢大節日與家中嘅寵物一同過肥年？港灣豪庭廣場將聯同「香港拯救貓狗協會」舉行「為食狗狗領養盛會」，屆時會有狗狗領養、寵物健康鮮食講座及工作坊，認識由獸醫及營養師團隊為狗狗訂製嘅特別鮮食餐單以配合狗狗唔同嘅健康需要，例如防心臟病餐、降血脂餐及幼犬成長配方等，令你嘅狗狗食得開心又健康！

逸峯廣場「甜蜜幸福迎新歲」 珍貴茶具體現茶藝傳統

相信大家細細個嘅時候新年除咗最期待利是外，就係攢盒內嘅糖果及小點！食粒甜甜嘅糖果，成日嘅心情都變得更開心。為咗幫大家揾返小時候果種而幸福快樂嘅感覺，逸峯廣場設置咗巨型攢盒，等你置身其中，回味一番！攢盒旁更特設精緻嘅大型利是封照相區，俾大家影低與摯愛甜蜜、幸福嘅時刻。

場內更會展出清朝期間唔同文化風格嘅品茶器具，當中一套白瓷茶具最為珍貴，此茶具係由曾獲得五次百金花獎嘅國家一級美術師樊鴻賓先生製作，產自中國瓷都景德鎮！此外，商場更預備咗「如意吉祥夾夾樂」遊戲，考驗大家身手，贏取豐富獎品！ 

翔龍灣廣場「豐衣『竹』食過肥年」

豐衣足食，生活美滿係唔少人嘅新年願望！為咗實踐大家嘅祈願，翔龍灣廣場以利是封、金元寶及開心果等賀年元素打造巨型攢盒，等大家可以入內與全家老幼合照，喺熊貓樂園內過一個『豐衣「竹」食』嘅肥年。記住要玩「如意吉祥夾夾樂」遊戲，帶返個「如意吉祥」公仔回家過新歲！

迎海薈「如意吉祥接豐年」

一元復始萬象更新，想新一年有別樹一幟嘅風景？活潑可愛嘅「熊貓日和」家族預備咗豐富嘅賀年食品喺青蔥草地上等大家和他們輕鬆一番！你仲可以坐上如意吉祥椅上與熊貓媽媽無限自拍，為你送上滿滿福氣！喺生氣勃勃嘅草地旁亦設有「如意吉祥夾夾樂」遊戲，歡樂好玩指數爆燈！