錯視藝術一向令人目眩神迷，匯聚成千上萬各具型態嘅花花布絮神級纖維藝術，毫無眼花繚亂嘅違和感，有嘅就只係驚歎！新鴻基代理旗下北區旗艦商場上水廣場將會喺2019年1月12日至2月28日以上水廣場《花妍‧纖藝》為賀年主題，邀得蜚聲國際嘅台灣纖維藝術大師劉棟 (Danny Amazonas) 首次來港舉行絎縫藝術展覽，將其出神入化嘅精湛拼布藝術世界帶到香港。
近睇每塊布各有風格，遠睇整幅充滿意象，神氣活現，立體作品必需親臨上水廣場由多角度現場觀賞感受。適逢農曆己亥豬年將至，劉大師更特意為商場創作「吉慶團圓」作品，那福氣滿滿可愛吉祥小豬造型及緊緊拼湊埋一齊嘅花布，寓意金豬入門百福臻，絢麗繁花齊綻放，闔家團圓永安康。你仲可以即場換領限量版利是封及賀年禮品，或到日本著名杉養蜂園期間限定店買定靚靚蜜糖返屋企，過一個日日甜蜜溫馨嘅幸福豬年。
5米高粉嫩系萬花拼布藝廊裝置充滿幸福感 「光影飛花」互動花花藝術長廊
甫走入5米高粉嫩系萬花拼布藝廊裝置，恍如置身於立體花園，繁花蝴蝶爭研下，春意盎然，萬象更新。聳立中庭嘅立體拱型裝置，配以逾百朵艷麗嘅布藝花，招徠巨型彩光立體蝴蝶，停留喺花瓣上，為途人帶嚟祝福。萬天飛舞嘅彩蝶顯得裝置格外幸福甜蜜。另一打卡亮點為可愛吉祥嘅布藝小豬，笑意盈盈等住同你selfie﹗逾一米高嘅圓碌碌3D小豬一身桃紅艷麗衣裳，為新年增添無限喜氣！
走到藝廊後嘅「光影飛花」互動藝術長廊又係另一神秘空間，由文青氛圍驟然轉到充滿動感嘅夢幻花花世界，少女心即時爆燈。走入8.5米嘅光影藝術長廊，結合流星燈光特效及花蝶投影等技術，再配合體感自動感應，打造「Interactive Motion-Detect」奇幻萬花世界，花花投影轉瞬幻化，花、蝶、光同埋影互相交錯，萬花飛舞色彩斑斕，令你恍如劃破時空置身喺謎一樣嘅未來動感花蝶夢幻仙境。
以花花布絮玩盡錯視藝術 遠看近觀大不同
商場將化成5米高巨型藝廊，重點展出15 幅劉棟大師嘅纖維藝術作品，擅長錯視藝術嘅劉大師利用數以千計各具風格嘅兩吋碎布作為創作素材，結合攝影寫實與拼布，利用混色效果和錯視藝術，呈現新印象派和點描派畫作。
有別於一般拼貼藝術家或纖維藝術家，劉喜愛保留碎布原來嘅圖案：「無原布嘅創意圖案(textile design)，我根本就創作唔到咁顏色繽紛嘅纖維藝術，所以我不敢抹殺佢地嘅功勞。」因此造就劉嘅作品遠看近觀截然不同嘅意象，近睇能夠充分彰顯每小塊紡織品嘅自身美感，遠看又能自由詮釋整幅作品意念，看似萬般隨意，但又絲毫睇唔出縫紉痕跡或線頭。
劉表示：「呢一種係油彩繪畫無法表達嘅非凡及立體感。」其作品「繁華雨夜 Rainy Night」將台灣蓬甲夜市熱鬧人物場景刻畫得淋漓盡致；花類作品色彩鮮明艷麗，無論花瓣、花蕊以及葉均經精雕細琢，層次有序；金魚、老虎、雞以及奔馳中嘅駿馬等動物作品栩栩如生，充滿動感；描「繪」人物如舞蹈員嘅作品全面捕捉人嘅神韻及動態；佢最喜愛嘅作品「天使笑顏」以其孫女為題材，作品洋溢喜樂意境，盡見溫情；「妳的微笑」作品中佢將名畫馬賽克化，玩味十足。
由馬賽克到獨創「即興拼布創作」 以布碎代替油彩 創作喬治布殊兒子畫像送美
被譽為「台灣唯一絎縫男」嘅七旬劉大師早喺八十年代從事瓷磚、木材及石頭嘅馬賽克工作開始，2012年劉老師由馬賽克創作發展至隨意拼縫，獨創纖維藝術領域前所未有嘅「即興手繪拼布」(Freehand Patchwork)技藝，呢種非傳統嘅技術就似用布塊繪畫一樣，劉嘅畫筆就係旋轉切割器及針線；油彩係層層疊疊嘅織物。
佢喜歡布嘅整潔方便：「不需等待油漆逐層風乾，不需忍受松節油嘅味道，隨便捲起藝術品就可以帶到任何地方展覽。」就如唱片騎師要對成千上萬首歌曲嘅旋律節奏風格非常熟悉一樣，劉對所收藏的五千多幅布料嘅顏色、圖案及材質瞭如指掌，先可以即興拼湊出精細作品，生動詮釋人像、花草、動物、畫作及相片場景，甚至細緻如透明嘅蜻蜓翅膀亦可立體呈現。
為咗令作品更為精細，豪邁奔放不拘小節嘅劉摒棄流於一般人對縫紉一針一線完美技巧嘅追求，自創忠於自己嘅隨意拼貼新技法，用粗獷嘅作法，不按常理隨意即興拼貼，務求凸顯光暗對比及立體面，賦予作品豐富層次以及生命。劉形容佢嘅創作世界就似係創作一幅砌圖一樣：「揾啱嘅一小塊放喺啱嘅地方，呢個係整個創作過程中最具挑戰性嘅其中一環。」
要將成千上萬嘅布碎隱形縫合，耗費精神及眼力，亦相當考功夫，酷愛美國織品藝術家Kaffee Fassert布嘅劉，曾花整整一年時間，用上三百款逾數千塊小布，創製出一幅15x6英尺作品，其破格作品細緻度技驚藝術界，旋風式橫掃西班牙、意大利、法國、盧森堡、美國、日本及台灣等國際絎縫藝術展覽。亦曾創作美國前總統喬治布殊兒子畫像，於美國白宮收藏。即使年過七十嘅佢仍永不言休，勇於嘗新，最近更嘗試把意大利真絲綢混合棉布作媒材，務求令作品色彩更加鮮明。
不安於舒適圈曾當速遞員歷練無數 由開餐廳到獨創技藝
生於台灣屏東嘅劉大師，15歲舉家移居巴西就讀聖保羅藝術學院，其後到美國就讀紐約視覺藝術學院，長居美國發展個人事業，90年代退休後回台老家照顧年邁父親。喜歡探討各種形式的藝術美感嘅他，最愛跳出舒適圈，走到各行各業體驗，曾從事速遞、繪畫、雕塑、黃金首飾設計、花藝設計，甚至鑽研各國廚藝及開辦餐館，無盡歷練造就成堅毅耐力，令佢對每事每物都有深層體會，因此佢嘅靈感多數嚟自日常生活中嘅所見所聞。
活動詳情：
上水廣場《花妍‧纖藝》百福園
日期：2019年1月12日 (六) 至2月28日 (四)
時間：10am – 10pm
地點：上水廣場2樓中庭 (上水港鐵站A4出口)
《光影飛花》互動藝術長廊
日期：2019年1月12日 (六) 至2月28日 (四) (逢星期六、日及公眾假期)
時間：11am – 8pm
地點：上水廣場2樓中庭
用戶只需關注上水廣場Facebook專頁 或WeChat帳號，即可走進8.5米的光影藝術長廊，結合流星燈光特效和花蝶投影等技術，再配合體感自動感應，打造「Interactive Motion-Detect」奇幻萬花世界，花花投影轉瞬幻化，花、蝶、光和影互相交錯，萬花飛舞色彩斑斕，讓你恍如劃破時空置身於謎一樣的未來動感花蝶夢幻仙境。
杉養峰園期間限定店
日期：2019年1月12日 (六) 至1月27日 (日)
時間：10am – 10pm
地點：上水廣場2樓中庭
日本杉養蜂園蜜糖歷史悠久，1946年於日本成立至今已有60多年歷史，深受大眾歡迎，為大家於新春送上甜蜜祝福，願夫妻恩愛和順，有情人終成眷屬。
花漾手部彩繪體驗
日期：2019年2月1日至2月28日 (逢星期六及日)
時間：2pm – 6pm
地點：上水廣場2樓中庭
顧客於以上指定日期內，於上水廣場2樓至5樓以電子貨幣單一消費滿港幣$300或以上，即可參加「花漾手部彩繪體驗」乙次*。
(*每日名額有限，先到先得，換完即止。)
上水廣場WeChat新年轉轉運
日期﹕1月18日 (六) 至2月28日 (四)
用戶只需關注WeChat 帳號「香港上水廣場」，進入「玩樂易」即可參加「WeChat新年轉轉運」線上遊戲，有機會贏取大獎Samsonite Pixelon 行李箱 (25吋/寶石紅) (價值﹕HK3,834) (名額﹕1份)、FOREO LUNA mini 2 凈膚樂享組合 (價值﹕HK$1,480) (名額﹕2份) 或其他豐富禮品。
