每逢農曆新年都係親朋戚友聚首一堂嘅時刻，除咗傾傾近況之外，桌上遊戲必不可少。今個農曆新年(2019年1月19日至2月19日)，沙田中心‧沙田廣場及屯門時代廣場將會聯乘玩具公司孩之寶(Hasbro) 以三款經典好玩桌上遊戲，包括Mastermind、Hungry Hungry Hippos及Pie Face Cannon為主題，將遊戲放大並加入新年元素打造成巨型賀年裝置，等大家置身遊戲當中，與親朋好友一起歡度新歲！美國桌上遊戲收藏家Rick Polizzi更會喺屯門時代廣場展出逾20多件生產於50至80年代，罕有以至絕版嘅桌上遊戲珍藏，彌足珍貴。

配合遊戲主題，商場特別設計出一套用得玩得「『棋』開得勝」賀年利是封及桌上遊戲派對福袋供大家換領。「『棋』開得勝」賀年利是封內藏四款經典桌上及派對遊戲，祝願大家新一年「『棋』開得勝」﹗而桌上遊戲派對福袋内將隨機附送其中一款主題裝置桌上遊戲及另外一款玩具，等大家喺歡樂聲中迎新歲。

屯門時代廣場 —與可愛豬豬合照打卡  化身成放大版Pie Face Cannon  遊戲主角

以射奶油大炮到玩家臉上嘅好玩刺激遊戲Pie Face Cannon放大版將設置喺屯門時代廣場。原有嘅人面造型板變成放大版影相打卡區，大家可以企喺拍照區與身旁及背後嘅兩隻可愛小豬拍照留念，豬年勢必行大運。

而遊戲內原本用以決定發射奶油大炮位置及角度嘅輪盤就改為新春幸運輪，上面印有唔同嘅祝賀詞，為大家嘅豬年轉來好運，寓意事事順利。喺1月19至25日期間，主題裝置內更設有期間限定店，售賣多款孩之寶刺激好玩桌上遊戲及玩具，為各位喺新年聚會時與親朋好友玩樂做好準備！而商場亦特設大型電子版Connect Four互動遊戲，將傳統嘅連環四子棋帶到屏幕，大家可免費與親朋好友一同挑戰，睇睇邊個係大贏家。

逾20多件罕有絕版Board Game首次香港展出   桌上遊戲見証社會文化潮流

另外，美國桌上遊戲收藏家Rick Polizzi亦會喺屯門時代廣場展出逾20多件罕有、甚至係絕版嘅桌上遊戲珍藏，大部分遊戲生產喺50至80年代，彌足珍貴。Rick表示好多遊戲都衍生自當時流行嘅電視節目，例如係50年代美國電視大熱兒童節目變化出嘅Howdy Doody’s TV Game、60年代人氣問答遊戲節目嘅同名遊戲The Hollywood Square、自70年代開播嘅長篇劇《華生一家》變成嘅遊戲The Waltons等，都可以反映出電視節目對當時文化嘅影響力。

60年代傳統桌上遊戲開始注入電玩原素  玩法多樣化

除此以外，不同年代嘅桌上遊戲更可顯示到當時科技嘅發展。由今次嘅展覽品當中可以發現，電子化嘅玩具並唔只係千禧小孩嘅專利，好似60年代於桌上電子賽車遊戲—Electric Sports Car Race及70年代已絕版嘅問答遊戲機械人—2-XL Robot Question/Answer Machine(可放入唔同主題遊戲帶，選不同難度題目，機械人會讀出問題及讓玩家選擇答案)都已經唔係單純嘅紙牌遊戲。

70年代開心樂園餐 80年代戰鬥勇士　夠晒經典
今次嘅展品包括麥當勞喺70年代隨開心樂園餐送出嘅罕見贈品套裝—Ronald McDonald Travel Kit，當中包括唔同嘅遊戲卡、明信片、蠟筆、填色本等，絕對經典﹔另外亦有80年代曾經喺香港播放嘅動畫—戰鬥勇士嘅CENTURIONS遊戲等，呢啲或者都可以喚起大家嘅童年回憶，小朋友亦可以趁機見識到舊時電子產物仲未盛行時嘅娛樂玩意。各位大小朋友絕對不可錯過！

沙田中心 — 考驗腦力的【豬璣妙算】　祝願大家「豬」事大吉

而沙田中心就以考驗腦力智力嘅經典遊戲Mastermind為藍本打造賀年裝置。趣緻可愛嘅粉紅小豬手持Mastermind棋盤配以賀年造型，祝願大家新一年聰敏過人。而另一旁就有以Mastermind遊戲棋概念砌成嘅幸運「福」字，配上背景嘅可愛小豬、金元寶、銅錢設計，寓意大家來年財智兼備，八福臨門。

沙田廣場 —桃花樹下【翻滾吧！糖蓮子】尋找隱藏福字　「福」從口入

以按下手柄等河馬張開口鬥快吃下最多珠為勝嘅Hungry Hungry Hippos遊戲為概念，沙田廣場嘅裝置以此為設計，當中為迎接豬年，兩隻河馬將變身成圓潤小豬，圍繞住放滿賀年物品嘅巨型全盒上，與大家喺桃花樹下共賀新春，祝福大家團團圓圓、幸福美滿。而當中一隻河馬更特設活動機關，只需用力按下手柄，河馬便會張口，展現「福」字珍珠，祝願各位豬年五福臨門、福星高照！

消費換領充滿玩味的新春限定禮品　與親友桌上玩樂迎新春
農曆新年當然唔少得利是封換領﹗配合裝置嘅遊戲主題，商場特別設計出一套用得玩得「『棋』開得勝」賀年利是封及桌上遊戲派對福袋供大家換領。「『棋』開得勝」賀年利是封一款八個，內藏四款經典桌上及派對遊戲，包括「新春行大運」(劃鬼腳)、「好運三連環」(過三關)、「拋出願望來」(拋彩虹) 及「賀年猜金謎」(猜謎語)，四個遊戲設計元素亦融入於利是封面上，別出心裁，祝願大家新一年「『棋』開得勝」！

而玩味十足嘅桌上遊戲派對福袋，福袋内包括Mastermind、Hungry Hungry Hippos或Pie Face其中一個桌上遊戲及孩之寶神秘玩具一份﹗等大家喺春節四出拜年行大運時，亦可以同親友們大玩遊戲，開心迎新春。