今個農曆新年，MCP新都城中心與嚟自日本鹿兒島吉祥物「Greboo」家族首度合作，喺2019年1月11日至2月19日新春期間打造「Greboo鹿兒島新春『豚』」主題活動，將鹿兒島最著名嘅旅遊名勝呈現喺大家眼前，包括霧島神宮、招福露天風呂及日本最大嘅鈴鐺等，仲可以體驗日本新年習俗以及文化，當中包括日本新年習俗嘅鏡餅、祈求姻緣嘅戀占姻緣石、除厄開運嘅達摩不倒翁吉祥物等，身處其中就好似去咗一趟鹿兒島旅行，一同喜氣洋洋迎豬年！

MCP新都城中心喺1月13日(星期日) 下午3時隆重舉行《鹿兒島新春「豚」揭幕禮》，日本國鹿兒島縣政府香港事務所所長竪山英之先生（Mr. HIDEYUKI TATEYAMA），聯同藝人胡杏兒及陳智燊，與鹿兒島吉祥物Greboo & Sakura一同剪綵，當天更邀得鹿兒島縣人會會長岩田直人及會員到場支持，為「鹿兒島新春『豚』」新春活動揭開序幕，感受日本新年熱鬧氣氛。

鹿兒島晉升港人遊日新熱點 僅次於人氣旅遊地區福岡京都
到訪鹿兒島嘅港人近年不斷上升，由2014年每年28,660人次，至2017年已增加至每年200,910人次，增長高達7倍。喺全國47個都道府縣之中，更係排行第7位，可見鹿兒島已經成為港人熱門旅遊之地。(*出處：觀光廳宿泊旅行統計調查) 鹿兒島縣希望令港人認識更多鹿兒島嘅魅力，所以就促成與MCP新都城中心合作，將鹿兒島嘅旅遊名勝及元素包括霧島神宮、招福露天風呂及砂浴等呈現喺大家眼前，每個裝置景點都附有關該名勝嘅小介紹，同時不乏互動及趣味性，俾大家充分了解鹿兒島嘅多元魅力。

鹿兒島擁有豐富天然資源及自然生態 本島離島各具魅力

鹿兒島地大物博，面積廣闊，由北至南長度超過600公里。全縣分佈唔同嘅自然生態環境，北部（伊佐市）可一覽冬季浪漫雪景，南方奄美群島亞熱帶氣候為你帶嚟南方小島風情，天然資源及動植物物種同樣豐富，係鹿兒島極富有魅力嘅原因之一。

除本島外，鹿兒島嘅離島亦好值得一遊。屋久島擁有世界稀有嘅獨特生態系統，係日本最早期被列入為世界自然遺產嘅島嶼。島上仍然保留住原始森林嘅自然生態，更有千年古樹「縄文杉」，港人熟悉嘅宮崎駿電影「幽靈公主」亦係以屋久島嘅森林作為背景。擁有總面積979平方米嘅火箭發射中心種子島及有著「距離天堂最近的島嶼」之美譽嘅奄美大島同樣值得一遊。

2大世界遺產展自然文化多面貌 傳統歷史及清新活力共存

1993年，屋久島和白神山地（青森縣，秋田縣）被世界自然遺產，係日本最早被列為世界自然遺產嘅島嶼。屋久島擁有推斷樹齡上千年嘅杉樹，多種瀕臨絕種嘅動植物，其特異嘅生態系及壯麗嘅自然景觀令鹿兒島好快被世界所承認。另外，鹿兒島嘅明治日本產業革命遺址更喺2015年被成功列入世界文化遺產名錄中。

豐富資源造就高質素食材 盛產燒酌產量日本NO. 1
鹿兒島因氣候與地理嘅優勢，一直培育出優質嘅畜產、農產品與水產品，更喺2017年舉辦嘅「全国和牛能力共進会」贏得第一位，成為全國最好嘅和牛產地！鹿兒島嘅黑牛肉色粉嫩，脂肪紋理分佈均勻，肉汁豐富、入口即融，係優質牛肉中嘅極品。

另一注目優質食材為鹿兒島黑豚，其肉質柔軟多汁，肉味濃郁，係鹿兒島不能錯過嘅美食！鹿兒島嘅特產仲有蕃薯薩摩燒酒，鹿兒產量居冠日本，以蕃薯及黑糖嚟釀製嘅蒸餾酒因擁有5大優點而備受國內外愛酒人士嘅熱愛：多酚含量高、零卡路里、零糖分、不會宿醉、變化多端嘅飲用方法。

MCP新都城中心「Greboo鹿兒島新春『豚』」新年裝置
日期：2019年1月11日至2月19日
時間：10am – 10pm
地點：MCP CENTRAL (新都城中心2期)及MCP DISCOVERY (新都城中心3期)