港鐵公司旗下德福廣場致力為顧客打造多元化購物體驗，除咗引入各類型特色商戶照顧大眾所需外，同時亦舉辦各大型主題互動展覽及活動。

適逢今年豬年，德福廣場特別與香港老字號錦興瓷器行及香港歷史悠久之塑膠用品製造商紅A攜手合作，由1月18日至2月19日，以港式情懷為主題並注入豬年喜慶元素，以300隻經典紅膠豬仔錢罌及逾600盞大紅雞蛋燈打造首個至「紅」打卡牆及60米長的大紅燈海，與大家回味舊香港嘅至『紅』港式情懷。此外，1期更有新春市集，懷舊小檔售賣過百款賀年食品，等大家可以辦年貨及嚐盡各式傳統美點，共渡開心春節！

3米高全新懷舊造型豬仔錢罌 暢遊60米浪漫賀年大紅燈海

德福德場今年新春裝置最觸目嘅包括以300隻紅膠豬仔錢罌列陣而成嘅至強打卡牆、首個以逾600盞懷舊雞蛋燈打造60米大紅燈海，以及十隻豬仔錢罌列隊而成，達3米高嘅全新懷舊造型豬仔錢罌陣，十隻巨型豬仔錢罌寓意「十豚十美」，身上嘅花紋既有新春色彩，亦具懷舊元素，如萬壽無疆瓷碗花紋、青花瓷、婚嫁紅雙囍等花紋，並以層層壘形式架勢登場，祝願大家豬年豐足外，更令顧客懷緬兒時點滴。另外，商場設置經典雞蛋燈亦係唔少港人嘅集體回憶，更打造首個60米長大紅新春主題燈海，以超過600盞懷舊雞蛋燈配合豬年賀詞，充滿新年氣氛。

匯聚至「紅」打卡熱點 閨蜜情侶懷舊趣拍區

另外，商場設有各式主題打卡位，包括超過300隻6吋傳統膠豬錢罌拍照區、文青必到懷舊信箱及郵筒拍照區、「豬籠入水」趣拍區外，仲有多個特式懷舊打卡熱點及互動區，包括懷舊戲院、放大版童年玩意，及多個不同造型嘅豬仔錢罌等。而商場更設多個趣味遊戲，包括懷舊戲院磅重機及童年時女生必玩嘅巨型換衫紙公仔遊戲等互動復刻變裝遊戲區，與大家歡渡一個懷舊嘅新年。

此外，場內更有巨型懷舊玩具裝飾、特色霓虹燈牌陣及懷舊商品街俾大家探索趣拍一番，滿載童年回憶，慶祝別開生面嘅新春；至於為一家大小而設嘅新春市集，提供咗共14個賀年攤檔及特色懷舊小檔，為大家準備咗過百款賀年禮品及傳統新春懷舊小食如老婆餅、雞仔餅、煎堆仔及瓜子等。

此外，商場更有多款賀年禮盒如海味禮盒及糖果禮盒等俾大家辦年貨。參與商戶包括上海陸金記瓜子大王、大同老餅家、英記茶莊、元朗合興、美樂士多及Ztore.com士多等，讓顧客辦年貨，為親友送上窩心祝福！

展出70年代新春家品及原版紅膠豬仔錢罌

對於一眾懷舊愛好者，更加唔可以錯過德福廣場的新春展覽(於商場二期位置)，商場邀請咗紅A官方合辦全港首個商場懷舊家品展覽，展出70年代時嘅經典品牌產品，例如:花水晶吊燈、太空喼及一系列70年代的新春家品，包括膠揮春、新年全盒(由70年代至今的復刻版)以及老字號錦興瓷器行借出之原版紅膠豬仔錢罌，保證大開眼界！

限量300隻 愛心慈善紅膠豬錢罌領養行動

同時，德福廣場限量推出300隻由香港老字號錦興瓷器打造嘅經典紅膠豬仔錢罌，大家可以港幣50元「領養」絕版錦興紅膠豬錢罌乙隻及親手為其提名，並於新春期間於商場展出，限量300隻，善款將會全數捐予香港公益金。另外，新春期間當然要應節祈福，大家只要喺2期賀年許願亭即場捐款港幣10元，就可以喺許願亭寫上願望添好運，新一年自然福滿安康！ 

新春主題活動

為咗配合活動主題，除咗市集外，德福廣場更預備咗一連串新春節慶活動，包括本地殿堂級得獎木偶戲大師黃暉先生親臨表演財神木偶戲，俾市民親睹中國傳統技藝文化，過一個別具特色嘅喜慶新春；新春期間更有醒獅及其他活動助興，令到處洋溢新春氣氛。

新春消費優惠： 週六積分8倍賞 及港鐵商場利是封換領活動

由2019年1月19日至2月23日期間嘅每個星期六，喺德福廣場指定商戶消費滿指定金額，並透過MTR Malls手機應用程式中嘅Smart Telford專區儲分，即可獲得8倍積分，輕鬆換領多款賀年禮品！詳情可參考商場網頁。消費儲分可於1月11日至2月4日，憑1,000積分換領港鐵商場利是封乙套(一套共八封)，利是封結合花幻及福轉新春主題設計，設有紫紅及金色兩個顏色共兩套，每套一款共八封新年利是封，與大家喜迎豬年。

下載「MTR Malls」手機應用程式並登記成為Smart Telford會員：
iOS:        http://bit.ly/1vExcea
aOS:        http://bit.ly/1JB64Ix

新春活動詳情：
德福廣場「至『紅』港式情懷」新春裝置
日期:1月18日（星期五）至2月19日（星期二）
時間:早上11時至晚上9時
地點:九龍灣德福廣場一期中央展場

德福廣場「懷舊新春展覽」
日期:1月18日（星期五）至2月19日（星期二）
時間:早上11時至晚上9時
地點:九龍灣德福廣場二期中庭

賀年許願亭
日期:1月23日至2月19日
時間:早上11時至晚上9時
地點:德福廣場2期3樓中庭 
備註:只需捐款港幣10元予「香港公益金」，即可挑選賀年祝願牌一個，寫上新年願望，並掛上賀年許願亭上。

愛心慈善領養紅豬行動
日期:1月18日至2月19日
時間:下午12時至晚上9時
地點:德福廣場1期地下中央展場
備註:大家可以港幣50元「領養」絕版錦興紅膠豬錢罌乙隻及親手為其提名，並於新春期間於商場展出，限量300隻，善款將會全數捐予香港公益金。

賀歲木偶戲
日期:2月5日至7日(年初一至三)
時間:下午2時、2 時45分及3時30分
地點:德福廣場2期3樓中庭

醒獅獻瑞賀豬年
日期:2月14日
時間:早上11時
地點:德福廣場平台花園

情人節快閃送禮
日期:2019年2月14日
時間:下午6時至8時
地點:德福廣場1期及2期
備註:情人節當天會為情侶們送上LED 玫瑰花及即場留倩影，為大家留下甜蜜紀念。數量有限，先到先得，送完即止。