過幾日又凍返啦，氣溫下跌一定要做好保暖措施；頭部有咁多重要穴位，當然要好好保護！強烈推介三頂帽子俾大家，等你哋喺寒冬中都可以維持型仔型女形象^^！
#畫家帽
戴上畫家帽令人藝術氣息即時提升、瞬間變成優雅恬靜嘅女生！日本著名女演員石原里美(石原さとみ)曾喺旅遊節目中一口氣買下11頂畫家帽！可見佢對畫家帽嘅鍾愛程度，今年畫家帽勢必成為女生至愛の物！
#針織堆堆帽
堆堆帽適合運動型、街頭風、隨性嘅女生！戴堆堆帽可以配搭出型格效果，由於佢可以包埋額頭同耳隻，可以有好好嘅保暖功能！
#有舌八角帽
英國海軍嘅八角帽多年後變成咗女生經典衣物之一。戴上八角帽會顯得精神抖擻，不論長短髮嘅女生都適合，而且容易與其他衣物配搭，係不可缺少嘅飾物之一。
*圖片來自網絡
Tags: Homita愛美麗
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
